.*. انا هتكلم اليوم على ولد وبنت بجد شافه عذاب ما شافه حد.*.

    شاطر

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default .*. انا هتكلم اليوم على ولد وبنت بجد شافه عذاب ما شافه حد.*.

    مُساهمة من طرف mena@tamer في الأحد مايو 31, 2009 1:37 am

    هتكلم اليوم على واحد طيب اوي وجدع اوي ورومانسي اوي وجرئ اوي
    في يوم من الايام كان واقف قدام بيته

    شاف بنت حلوة وجميلة بكل ما فيها هو يعرف والدها ووالدتها لكن عمره ما شاف بنتهم ولا صدفها ولا كلمها خالص
    اتشد ليها بطريقة غريبة بقى كل يوم يقف قدام البيت في نفس المعاد علشان يشوفها وهى رايحة دراستها

    او يطلع فوق في البلاكونه ويبص عليها من فوق وهى ماشية وبقى حابب اوي انه كل يوم يشوفها
    استمر على كدا فترة كبيرة وبقى متعلق بيها اوي

    كان بقى في حاجة كويسة جدا وهى انه صاحبه محمد بيكلم اختها وبيحبها راح حكى لصاحبه على الموضوع كله
    راح صاحبه قالووا انا بحب اختها وممكن اكلم اختها تقولها واسهلك الموضوع راح قالووو لأ ورفض تمام

    قالووا ليه ما انا في ايدي اساعدك قالوا انا بعرف اتكلم وعندي قلب يقدر يعبر عن اللي جواه تجاه اللي حسه

    قالووا طب هتكلمها ازاي ولا توصلها ازاي يابني انا في ايدي اكلم اختها في التليفون واخلصك من الف والدوران

    قالووووا لأ انا هوصلها احساسي ومشاعري بنفسي وبطريقتي انا حكيتلك كافضفضة صاحب بيكلم صاحبه
    لكن انا قادر صدقني اوصلها وقولها عن قلبي اللي حس بحبها وحبها

    عدت ايام وليالي وصاحبنا حاول باكتر من محاولة انه يعرف يكلمها معرفش
    وكان مرة واقف عند المحل بتاع والدها بيكلم مع والدتها وبيسلم عليها عادي فجاة بس لاقها في وشه هى واختها

    بيقولوا لوالدتهم انه الباب اتقفل والمفتاح جوا الشقة راح صاحبنا متكلم وقالهم ممكن مفيش قدمكم

    غير انه حد ينط من البلاكونه اللي جنبكم للبلاكونه بتاعتكم قالوا طب ومين هيعمل كدا

    صاحبنا قالوهم لحظات راح جاب صاحب له طويل يعرف ينط اسمه هاني
    وصاحبه هاني دا جة ونط وفتح الباب وصاحبنا طلع علشان يقابله من فوق وهو بيفتح الباب

    طب دي فرصة جت لحد عنده انه يعرف يكلم صاحبتنا اللي نفسه يوصلها
    غمز لصاحبه وقالوا انزل نزل صاحبه وراح في وش البت قالها بحبك اوي اوي بصلته وسكتت خالص مكلمتش

    فضل برضوا باصللها وراح قايلها بقولك بحبك اوي اوي البت واقفة موهومة ومش قادرة تتكلم
    اختها واقفة جنبها طبعا وشايفة وسامعة كل حاجة راحت قالت طب انا هقف في البلاكون

    علشان لو حد طلع هيبقى يوم مش معدي وانت مواقفين قدام الباب كدا
    مشيت اختها دخلت الشقة وطبعا على الباب واقفين هما الاتنين المهم صاحبنا قالها بحبك بجد وتعبت علشان اكلمك

    ودي فرصة انا مش هضيعها من ايدي على اني اعبرلك عن احساسي ليكي اللي جالي فجاة
    وكانت بجد اجمل واحلى مفاجة في عمري كله ...... تعرفووو يا جماعة هى عاملة ازاي وشها كلووو احمرر

    وهى امورة جدااا كان شكلها تحفة بطريقة جمييييييييلة جدا ولا كأن ملاك من حلاوتها والخجل اللي هى فيه
    طبعا هتقوليلي وانت عرفت منين هقولكم بعدين محدش يستجلني يا تيمورية

    رجع تاني وقالها بحبك بحبك راحت متكلمة طيب وطي صوتك احنا على السلم راح ضاحك اوي وقالها حاضر
    بحبك بصوت واطي ضحكت هى اوي وقالتلوا انا بجد مكسوفة اوي وهى بصة في الارض

    قالها طيب هو انا وحش ولا حاجة قالتلوا ليه قالها يعني بصة في الارض ومش طايقة تبصي في وشي
    قالتلوا لأ والله ابدا مش قصدي خالص كدا قالها طب اثبتي ليا راحت بصاله وضحكت ورجعت تاني بصت في الارض

    راح قالها مش بقولك الارض احلى مني راحو ضحكين هما الاتنين
    قالها ممكن بقى اسمع ردك مش لازم دلوقتي ممكن تاخدي وقتك وتفكري بس المهم اني اسمع ردك

    ومعاكي وقت كبيررر تعرفي تقرري فيه استاذن دلوقتي علشان ما اسببش مشاكل ليكي
    المهم عدى اسبوع وبعد اسبوع جة صاحبي محمد قالي حبيبتي بتقولك اختها هى موافقة

    فرح اوي صاحبنا ومن هنا بداءت قصة حب جميلة واخدووو تليفونات بعض ودايما بقه يكلموو بعض
    وحبه بعض اوي اوي واتعلقووو ببعض اوي اوي وبقى كل يوم يشوفه بعض ويقابله بعض

    وكل واحد فيهم بقى مجنون بالتاني وعرفها على اهله وبقت تيجي تقعد مع اخته واصحابت على اخته اوي
    وحبوها عندوو في البيت لانها مؤدبة جدا ومحترمة جدا وفوق دا كمان تقدروو تقولوا كدا جميلة جميلات العالم

    كانت عسولة موووووت وشعرها وشكلها وايديها كانت كلها على بعضها امووورة
    وعاشووووو قصة حب جميلة كل يوم حبهم زايد عن اليوم اللي قابلي

    وحصل شئ غريب بقى جة هاني صاحب صاحبنا وقال لصاحبنا دا في حاجات بتحصل مش كويسة
    صاحبنا قال مش كويسة ازاي قصدك على ايه وبتكلم على ايه اصلا انا مش فاهم

    قالوووا محمد اللي بيحب اخت حبيبتك قالووا ماله قالوا بيصرف معاها بطريقة مش كويسة
    قالوووا ازاي مش فاهم برضوا لو على الزعل فهموو بيزعله دايما وبيصالحه تاني ايه المشكلة بقى

    قالوووا لأ دا بياقبلها في امان مغلقة وبيتم حاجات مش كويسة صاحبنا قالووووووووا ايييييييييييييييه
    مين قالك كدا قالوووا انا عارف كل حاجة ومستعد اثبت ليك دلوقتي لو مش مصدقني قالوا ايوة اثبت ليا

    قالوو هى حاليا راحت تقعد مع اخته وطبعا اخته ولا امه ولا ابو ولا حد عندهم في البيت
    وهى حاليا قاعدة معاه في البيت قالوا انت بتكلم بجد ولا بتهزر انا مش مصدق حاجة

    قالوووا تعالى معايا خدووو وقالووا اقف هنا هخبط انا هيفتح ليا هدخل اقعد جوا اتفرج على التلفيزون
    ولما يسهى ومش ياخدو باله مني هفتح ليك الباب تدخل

    وفضل صاحبنا واقف لحد ما دخل صاحبه هاني عند محمد في شقته
    وبعد شوية فتح هاني الباب وقالوا محمد جوا قاعدين مع بعض صاحبنها راح واحدة واحدة

    وفضل يسمع الكلام بتاعهم كلام كله زبالة ومبقاش مصدق اي حاجة وبعد ما سمع كلام كتير منهم
    راح داخل عليهم راحوو مخضوضين وقايمين من مكانهم صاحبنا راح مقرب من صاحبه

    وهو بيعيط بكل ما فيه مش دموع عين بس قالوووا انت عارف دي مين متكلمش محمد خالص
    قالووا رد عليا دي اخت حبيبتي وانت عارف اختها بالنسبالي ايه

    متكلمش محمد ولا رد عليه برضوا ....... قالوا دي اخت حبيبتي فاهم يعني ايه
    يعني دي خالة لاولادي هتبقى فيوم من الايام

    متكلمش محمد برضوا... صاحبنا راح بصلووو ودموعه ماليه عيونه
    وراح ماشي ونزل الشارع وفضل ماشي في الشارع يعيط مبقاش عارف يمسك نفسووو برغم انه في الشارع ماشي

    صاحبه هاني جرى وراه وقالوا رايح فين ممكن تهدى وتسمعني اختها مالهاش ذنب في كل دا
    اقف ممكن بس تكلمني ماشي رايح فين قالوو صاحبنا وبيعيط وبصوت في الشارع

    مش عارف سيبني امشي انا عايز افضل ماشي ياعم قالووا هاني طيب اسمعني ممكن يا امير
    امير قالووا لأ مش عايز اسمع حاجة مش عايز اسمع حاجة

    مسكتش هاني الا ورجع امير تاني البيت يروح واول ما امير وصل البيت وهاني صاحبه معاه
    قابلته والدته على الباب واقفه واول كلمة قالتلها الكلام اللي سمعناه دا صحيح يا امير صح

    البنت دي متجيش هنا تاني ابدا ويا هى يا احنا وقدامك تختار بقى
    هاني بص لقى امير ماسك دماغه ودايخ راح مسكوووو هاني ودخلووو اوضه

    وامير فضل متعذب وغايب فترة عن الخروج وحبيبته فكرت انه سابها علشان مش بيسأل عليها
    ولا كلمها ولا فكر يشوفها فضلت هى تعبانة وزاد تعباه لما عرفت السبب وراحت للدكتور اكتر من مرة

    لما عرفت كل حاجة واللي اختها كانت بتعمله مع حبيبها وامير شافهم
    تعبت كتير هى بطريقة محدش يتخيلها لدرجة انها فكرت في الموت وربنا كتب لها عمر جديد

    وفضلت انا بقى اللي هو صاحبنا اللي بتكلم عليه من بدري اهلوو واقفين ضدو
    وهو تعبان لا قادر يخسر حبيبته ولا قادر يخسر اهلووو

    لحد ما جة يوم اتقدم لها عريس علشان تعذب نفسها راحت موافقة عليه
    ولا قدرت تنساني ولا قدرت انا انساها وحاليا خلفت ولد وراحت سمته امير على اسمي

    ودي قصة حب امير

    the princes
    Golden Memmber
    Golden Memmber

    انثى
    الحمل
    عدد المشاركات : 1300
    تاريخ الميلاد : 12/04/1993
    العمر : 23
    العمل/الترفيه : نت & نوم
    المزاج : الحياه بمبي ع الاخر
    تاريخ التسجيل : 28/04/2009

    default رد: .*. انا هتكلم اليوم على ولد وبنت بجد شافه عذاب ما شافه حد.*.

    مُساهمة من طرف the princes في الأحد مايو 31, 2009 4:57 am

    wllahy 3aml zi elaflam 5als bs ksa
    gmela wllahy wmofeda tslm 2edk bgd

      الوقت/التاريخ الآن هو الأربعاء ديسمبر 07, 2016 5:23 pm