مسلسل الحقو تامر حب واجوز يا جماعة ...كله

    شاطر

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 7:52 pm

    بسم الله الرحمن الرحيم
    بصراحة انا فكرت فى فكرة مجنونة قلت اعرضها عليكو
    ايه رايكو لو نجوز تامر فى الحلم طبعا
    انا مش عارفة هيبقو كام حلقة بس يلة نبتدى


    الحلقة الاولى (المقابلة)


    تامر بيحكى لحسام ازى اتقابل مع ؟؟؟؟؟؟؟؟؟؟؟؟؟؟
    تامر: ادنيا كانت بتمطر والجو كان زعبيب وقفت العربية وقلت ادخل مؤمن اكل ساندوتش عقبال ما الجو يتحسن ودخلت ووقفت قدام الشاب اللى بيخد الطلبات وكانت واقفة جانبى واحدة مش ملفتة للنظر لكنى يا حسام اتشدت انى ابص عليها وكنت عايز اعرف عمرها اد ايه
    حسام: طبعا لقيتها اد ماما
    تامر: لا لقيتها بنت صغيرة فى العشرينات المهم عجبنى لبسها كانت لبسه جلباب لونه نحاسى وخمار لونه سكرى وكانت مستنية اكلها
    حسام: يا تامر لخص
    تامر:استنى عليا شوية وقفت جانبها وطلبت ومستنى الاكل هى بقى استلمت صينيتها وبتلف وبصت عليا والصينية راحت وقعت من ايديها على الارض والبطاطس اتبعترت البنت وشها احمر
    حسام :انت عرفت منين ان وشها احمر
    تامر : اصل انا حاولت اساعدها والم معها , المهم لمت الاكل ورمت البطاطس وراحت قعدت على ترابزيتها,بصراحة صعبت عليا قوى طلبتلها باكت تانى
    حسام :وانت مالك
    تامر:مانا السبب المهم رحت لها ووقفت قدمها ومدت ايدى بالباكت رفعت عنيها ليه وقالت لي شكرا انا مطلبتش حاجة قلت لها معلش مانا السبب ردت عليا لا انا اللى غلطانة وعموما ميرسى قوى
    حسام: معقولة يا تامر ما قالتش ليك اى حاجة ولا ازيك حتى
    تامر : تخيل تجهلتنى قوى وده اللى غظنى وسالتها انت عارفة انا مين رفعت حاجب وقالت لى
    ؟؟؟؟: تامر حسنى
    تامر: بصراحة يا حسام حسيت بالدم فى وشى اتكبست قوى رحت واخد اكلى وقعدت على ترابيزة بعيدة عنها وادتها ظهرى
    حسام: يعنى انت مصدعنى كل ده وفى الاخر تقولى قعدت بعيد عنها ايه الخيبة دى
    تامر: اصبر بقى وفجأة يا معلم برفع عينى لقيتها ماسكة صنيتها ووقفة قدامى وبتقولى انا اسفة ممكن اقعد مع حضرتك شوية قالت لها اتفضلى.


    الحلقة الثانية .....( انت مش عارف تحب)
    حسام: يا سلام جت لغاية عندك ما انا قلت برده فين سحر تامر
    تامر: سحر ايه بعد ما اكبست بزمتك انت مصدق البنات الصغيرة اللى شايفة فيا الحبيب بس لمجرد انى بغنى افرض اعتزلت تفتكر واحدة فيهم هتسال فيا
    حسام: خلينا فى المهم قلتو ايه
    تامر:انا هاحكيلك الحوار كله كلمة كلمة بس خلى ام سلمى تعملنا حاجة نشربها
    حسام:يا سلمى قولى لماما تعملنا حمص الشام
    تامر:قولى لماما حطى شطة كتير لعمو
    حسام:المهم احكى بقى
    تامر: ؟؟؟:انا اسفة ممكن اقعد
    تامر:على ايه من حقك انا اللى تطفلت عليكى
    ؟؟؟:لا المفاجأة هى السبب انا متوقعتش ان حضرتك تكلمنى
    تامر:ليه
    ؟؟؟:معرفش بس اتخضيت لما شفتك
    تامر:هو انا شكلى وحش للدرجة دى
    ؟؟؟:مش قوى (بصراحة استغلستها دى قاعدة معايا علشان تغلس كنت هاقوم) تبسمت وقالت بهزر معاك ينفع
    تامر:ضحكت بصوت عالى وبصيت حواليا الحمد لله مفيش غيرنا فى المحل
    قولى لى اسمك ايه
    ؟؟؟:اسمى فلانة الفلانى
    تامر:متهيئلى سمعت الاسم ده قبل كده
    لقيتها اتخضت ووشها احمر انا بصراحة اتخضيت وبصيت ورايا ليكون ابوها جه ملقيتش حد قلت لها هو فى ايه
    ؟؟؟:انا اللى بعت ليك ايميلات بس معقولة قراتها
    تامر: هو انت, قراتها كلها عارفة سعات كان بيبقى نفسى اضربك على الكلام الى بتقوليه وسعات بقعد اضحك على اللى بتكتبيه وسعات ببقى عايز اكتبلك زى ما انت بتكتبى لى بس ماردتش علشان انت طلبتى انى مردش
    ؟؟؟:تعرف انا فرحانة قوى النهاردة علشان عرفت انك قرات ايميلاتى كلها ....مالك بتفكر فى ايه
    تامر:بفكر فى الحاجات اللى انتى عرفتيها لوحدك وكتبتيهالى ازى عرفتى انى حزين اغلب الوقت (وشها احمر ووطت صوتها)
    ؟؟؟:كنت بحسك واحد بيغنى للحب ومش عارف يحب لاازم طبعا تكون حزين
    تامر: مش عارف احب تعبير غريب ,كان ممكن تقولى مش لاقى الحب مثلا
    ؟؟؟:مش معقولة كل البنات اللى حواليك ومش لاقى الحب لابد ان واحدة فيهم حبتك انا قصدى مش عارف تحب حد كزوجتك
    تامر:هو الحب عندك لازم يكون جواز
    ؟؟؟:الحب اللى اعرفه لازم يكون بدايه زواج
    تامر:انت عندك كام سنة
    ؟؟؟:انا عندى 29
    تامر: شكلك اصغر من كده واتخرجت فين
    ؟؟؟:اتخرجت فى كلية تجارة
    تامر:ودلوقتى انت بتعملى ايه
    ؟؟؟: انا بدرس تفسير وشريعة وتجويد بجانب حفظ القران
    تامر:الله عليكى يعنى مشتغلتيش
    ؟؟؟:اشتغلت مدرسة
    تامر: ليه مدرسة
    ؟؟؟:علشان بحب التعامل معالاطفال... دنيتهم احلى من دنيتنا......تامر سرحت فى ايه
    تامر:مفيش
    ؟؟؟: عينيك بتقول غير كده
    تامررفعت حوجبى فى دهشة وتشجعت وقلت لها عمرها حصلتلك تبقى لسه شايف حد لسه متعرفوش تبقى نفسك تحضنو تبات فى عينيه........حسام:طبعا يا معلم لقيتها سخسخت واغمى عليها........
    تامر : لا طبعا لقيتها مرة واحدة قامت و........

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default الحلقه التالته عمر وسلمى

    مُساهمة من طرف mena@tamer في الثلاثاء يونيو 02, 2009 7:54 pm

    الحلقة الثالثة (عمر و سلمى)



    حسام وتامر قاعدين فى the living وبيضربو 2 حمص الشام بالشطة
    تامر:انا كنت فاكر انها هتمسك الصنية يا معلم ودب على راسى بس لقيتها قايمة وواخدة شنطتها وماشية
    ؟؟؟:بعد اذنك ما يصحش كده
    تامر:بص انا تلجت قدام عينيها بس لقيت فيهم حاجة غريبة
    حسام: يا عم كنت ادلقها دى بنت معقدة حد يشوف شاب زى الورد ويعاكسها وتعمل كده انت قلت دى من انهى عصر ثم ايه الحاجة الغريبة
    تامر:شفت نظرة لوم وجنبها نظرة بتقول وانا كمان المهم قولت لها اقعدى انا اسف
    ؟؟؟: الا قولى انت عامل معايا التحقيق ده ليه انا المفروض انا اللى اسالك صحيح هتجوز .....
    تامر:لا يا ستى انا مش هجوز حد ..الا قولى لى انت دايما فى الايميلات بتاعتك بتقولى لى سلم على مامتك ..انت تعرفيها
    ؟؟؟:لا بس بحس انى اشبهها مش فى الشكل هى احلى بكتير بس فى حاجات تانية مش لازمة ليك
    تامر:وانتى تعرفينى من امتى
    ؟؟؟:بصراحة الحكاية بدات بحلم فى رمضان اللى فات بعد صلاة التراويح ولقيتك قدامى
    تامر:طبعا كل البنات بتحلم بيا
    ؟؟؟: ليه هو انت املة (تامر كشر وقلبهم ) متزعلش بس انا حاسة انى اعرفك من سنين
    تامر:وانا كمان
    ؟؟؟:المهم لقيتك فى الحلم وكأنى بشوفه من ورا الزجاج انك اجوزت وعندك 3 عيال والبنت اسمها فرح ولما كان عندك 42 سنة اعتزلت الغنا وبعدها بسنتين مت
    حسام: دى مجنونة عايزة تموتك
    تامر: يا ابنى اسمع للاخر بصيت لها باستغراب
    ؟؟؟: متخفش انا سالت الشيخ وقال لى ان عمرك طويل والله اعلم واستغربت قوى من الحلم لان كل علاقتى بيك انى بحب عمروسلمى
    تامر: طبعا بتحبى عمر
    ؟؟؟:لا طبعا عمر من غير سلمى ولا يساوى
    المهم ان الفيلم ده كان ليه مصادفة كنت كل ما اعدى علي بوستر الدعايه
    اسال مين دول لغاية ما قالو لى ان دى مى والشاب قالو ده تامر
    تامر:طبعا قلت لهم مين تامر
    ؟؟؟: افتكرتك انت الشاب اللى عملت حبيبى وانت بعيد بعد كده معرفتش عنك حاجة
    تامر:انتى غريبة جدا
    ؟؟؟:المهم صحيت واهتميت انى اعرف من اللى كان فى الحلم وقعدت ادور على اى حاجة ليك على النت ولقيت الغرائب

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default الحلقه الرابعه والخامسه

    مُساهمة من طرف mena@tamer في الثلاثاء يونيو 02, 2009 7:55 pm

    الحلقة الرابعة (صدفة غريبة)


    ؟؟؟:لقيت حاجة غريبة جدا اتفرجت على النت على جزء صغير من برنامج يا مسهرنى وكان عندك امنية غريبة انك تموت وانت مش بتغنى نفس الحلم ... قولى هو انا مجنونة
    تامر: لا..فى حاجة غريبة بينا(بصيت لى باستغراب ولقيتها بتبص فى الساعة )انتى هتمشى(بصراحة حسيت كانى عيل صغير وامه هتسيبه وتمشى)
    ؟؟؟:انا عايزة امشى بس الجو وحش قوى
    تامر:انا كنت زمان بحب امشى فى المطر
    ؟؟؟:وانا كمان كنت ارجع وهدومى مبلولة وكمان كنت بجرى فى الميه
    تامر:انت كمان, قولى انت عرفتى منين ان انا وحيد وحزين اكتر الوقت
    ؟؟؟:الانسان لما بيبقى عنده كل حاجة ماشاءالله الشباب وحب الناس والمال ويبقى معندوش زوجة ولا اولاد بتبقى حاجة صعبة عليه وبيفضل يفكر امتى حيستقر فى بيت زى الناس كلها
    تامر: بس انا احسن من ناس كتير
    ؟؟؟:بزمتك لما بتغنى لعريس وعروسة مش بتقول وانا كمان
    تامر: عندك حق بس اعمل ايه فى دماغى فى بنات كويسة بس انا راسم لنفسى حاجة غيرهم خالص
    ؟؟؟:بس مفيش واحدة فيهم عايزة يطفى عليها النور فى المشهد كلهم عايزين المشهد كلوز عليهم , مينفعش معاك انت عايز واحدة ليك انت بس لو رجعت الفجر الظهر نص الليل تلاقيها فى كل وقت وتكون انت اهم انسان فى حياتها
    تامر:لو سمعوكى بتوع حرية المراة كانو قتلوكى(وضحكو)
    ؟؟؟:المشكلة ان محدش فيهم عارف ربنا خلقنا ليه, علشان نكون ملكات البيوت..ربنا قال(ولقد خلقنا لكم من انفسكم ازواجا لتسكنو اليها)يعنى احنا سكن.. عمرك شفت بيت ساب مكان او حبيت تدخل باليل مرداش يدخلك هى دى الست على رايك برنسيسة موجودة علشان السكن والحب والمودة وكمان الراجل لازم يحسسها انها الملكة المتوجة لقلبه يدلعها حتى لومش لاقى ياكل...
    تامربيتنهد)انت كنتى فين
    ؟؟؟: كنت بجيب حاجة من العزبى
    تامر: قصدى انتى مجتيش ليه من زمان
    ؟؟؟:يعنى ايه....تليفونها رن(سبحان الله وبحمده..سبحان الله العظيم)
    حسام:بتاعك
    تامر:اه
    ؟؟؟:ايوه يا ماما ..انت شايفة الجو عامل ازاى ..انا فى مؤمن جنب العزبى..
    حاضر اول ما الجو يتعدل...
    (بصتى لى لقتنى بتفرج عليها)
    ؟؟؟بصت للتليفون وافتكرت الرنة وكانها بتقرا افكاره) انا حاطاها من زمان قبل الحلم لما دورت على نغمة حلوة لقيتها
    تامر:الساعة بقيت 1وزمان حسام قالب عليه الدنيا وشحنى خلص ومش عارف اعمل ايه
    ؟؟؟:يا بختك بحسام الله اكبر بحس انه ابوك
    تامر:ده حبيبى
    ؟؟؟:ربنا يخليكو لبعض متهيئلى سايب مراته وعياله ومتفرغ لك...تعرف ناس كتير بيتمنو اخ زيه او ماما زى مامتك تلاقيها مستنياك حتى لو راجع الفجر تلاقيها حتى لو نايمة اول ما تدخل تجرى عليك وتقولك تاكل يا حبيبى ولا اعمل لبن دافى ..عارف انت بالنسبة لها الزوج وابوها واخوها وكل حاجة ليها.. خد بالك منها متنشغلش عنها كتير
    تامر(بصراحة بحلقت فيها عرفت كل ده ازاى متهيئليش انكتب فى الصحافة)..انت ملكيش هوايات
    ؟؟؟ابتسمت بشقاوة)انا عملت كل حاجة مثلت وغنيت ورسمت وعزفت ولعبت بسكت وطايرة وتنس طاولة وركبت عجل وحصنة..وبقرا كمان
    تامر:ورقصتى
    ؟؟؟:اه والحمد لله ربنا هدانى
    تامر:واستمرتى فى ايه
    ؟؟؟:فى القراة
    تامر:وعزفتى على ايه
    ؟؟؟:على الجاز ده ايام ثانوى ...انا هامشى بقى المطر وقف
    تامر:طيب مش عايزة رقم تليفونى
    ؟؟؟:اعمل بيه ايه ..شكرا
    تامر:تطمنى عليا
    ؟؟؟:الشباب فى السايت قايمين بالواجب
    حسام:دى مجنونة بقى انت عايز تديها الرقم وهى بتقول لا
    تامر:اسمع الاغرب
    .تامر:طيب هاتى رقمك
    ؟؟؟:هتعمل بيه ايه..فرصة سعيدة جدا..كان نفسى اسلم عليك بس انا ما بسلمش على رجالة
    تامر:خدى رقى تليفونى اه(وطلعت القلم وكتبته على منديل)..طيب لو عايز اشوفك اعمل ايه(عارف ساعتها عينيها قالتلى بلاش وردت بعد تفكير)
    ؟؟؟:ياريت بلاش
    تامر:طب اوصلك ازاى
    ؟؟؟:عندك الايميل بتاعى.....الا قولى انت ايه اللى جابك هنا مش طريقك
    تامر: طب اقعدى هتصدقنى لو قلتلك ان كنت رايح ميدان ترينمف عند نصر لقيتنى سرحان وفجأة لقتنى فى صلاح سالم وبعدها كوبرى الفنجرى ومفقتش الا قدام مؤمن وجعان
    ؟؟؟:تعرف ان احنا مكلناش اى حاجة
    تامر بصيت على الاكل وقمنا )هاوصلك متبصيش كده زى اى تاكسى بس مش هاخد اجرة متفكريش(وكأننا يا حسام دخلنا علشان نتقابل)مشيت قدامى رشيقة بالرغم من ملابسها الواسعة كان نفسى اغنى لها هى دى بس خفت اضرب المرة دى
    ورحنا لغاية العربية..........


    الحلقة الخامسة (على الياهو)



    تامر: ورحنا لغاية العربية
    ؟؟؟:هى دى الهامر اللى بيقولو عليها
    تامر:اتفضليها
    ؟؟؟:طب هادى بحاجة على ادى
    تامر:انت تتهادى بالنجوم مش حتة عربية...اتفضلى (وفتحت لها الباب)
    ؟؟؟: انت هتغنى عليا (وضحكنا) انا عموما بحب العربيات الصغيرة
    تامر:انتى بتعرفى تسوقى
    ؟؟؟: لا لما جيت اتعلم كنت هلبس فى عمود
    تامر: على فين ..الا بالحق انت باباكى بيشتغل ايه
    ؟؟؟:امشى على طول وانا هاقولك..بابا يا سيدى على المعاش بس ماما بتشتغل فى نفس الشركة اللى كان فيها واخويا كمان
    تامر:انتو وارثنها بقى ...وانتى ليه متجوزتيش لغاية دلوقتى
    ؟؟؟:........ احنا وصلنا شكرا ليك بس هنا....انا هاعدى ابقى فى البيت
    تامر:انا ممكن اعدى بيكى
    ؟؟؟: بقولك ايه شكرا لغاية هنا ...عربيتك دى ملفتة للنظر هنا ..سلام عليكم
    تامر:حسيت ساعة ما مشيت ان قلبى هيجرى وراها ويقولها استنى...
    حسام: وبعدين
    تامر:مفيش خلاص
    حسام:مفيش يعنى انت معطل نفسك ومصدعنى على مفيش والاخر تقولى قلبى انخطف يا راجل
    تامر: مش هاحكيلك حاجة تانى انا حاسس بلخبطة جامة وحاسس ان الدنيا حواليا فاضية ومفيش غير البنت دى بس اللى قلقنى ان فى عينيها حاجات غريبة مرة نظرة اعجاب ومرة نظرة بعد ...انا متلخبط قوى
    حسام:هى حلوة للدرجة دى
    تامر: الحلاوة اللى قصدك فيها عادية..حلاوتها فى شقاوة عينيها فى روحها فى ...(حسام قام وحط ايده على راس تامر)
    حسام:مانت مش سخن امال بتهلوس ليه ..دى واحدة لسه عارفها من كام ساعة انا لو منك اروح البيت اكل وادفى وانام واصحى ان شاء الله كويس
    تامر:عندك حق انا هاروح ..سلم على الولاد
    حسام: سوق براحة وسلم على ماما
    وروح تامر وهو فى الاسانسير رن موبيله وكان نصر محروس
    نصر:انت فين يا تامر انت نسيت معادنا ولا ايه
    تامر: معلش يا نصر التليفون فصل منى والجو كان وحش هكلمك الصبح لحسن انا تعبان ...سلام
    (تامر بيفكر انه ازاى راح لغاية المطعم ده سبحان الله)
    ودخل تامر شقته لاقى ماما قاعدة مستنيه
    تامر: السلام عليكم ورحمة الله وبركاته
    ماما:وعليكم السلام ورحمة الله وبركاته..اتأخرت ليه انت مش قولت انك هترجع بدرى
    تامر:كنت عند حسام
    ماما:الولاد جرالهم حاجة
    تامر:كلهم بخير اطمنى..ماما انا جعان قوى ..هادخل اخد حمامى واطلع اكل
    وخرج تامر من الحمام لاقى الاكل جاهز..كل وقام صلى العشاء وراح نايم
    صحى من النوم الساعة 2صباحا ميعرفش ليه
    راح قايم وشغل الكمبيوترودخل على ايميلاته القديمة لغاية ما لقى ايميلها
    ???@yahoo.com
    ودخل على المسنجر ولاقى حاجة فرحته فرحة الطفل بيوم العيد.............

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 7:57 pm

    الحلقةالسادسة(بحلم بيك انا بحلم بيك..تررررا)


    امبارح كنا سايبين تامر على النت ودخل على الماسنجر
    ولاقى مين لاقاها طبعا امال هيفرح ازاى


    تامر:ازيك
    ؟؟؟:مين
    تامر: انا تامر حسنى
    ؟؟؟:تامر مين
    تامر: انا اللى قابلتك الصبح..المطعم...بصى افتحى المايك ..طب انا هافتح الكاميرا
    ؟؟؟:اه...اهلا انت عامل كده ليه
    تامر:اصل لسه صاحى من النوم..اصل انا بنى ادم زيكو مش فنان بس ...بذمتك انتى وانتى صاحية من النوم شكلك ايه
    ؟؟؟: مش قصدى..يجو البنات المجانين بيك يشوفوك..وبصراحة اى واحد لسه صاحى من النوم بيبقى شكله مش ولابد...قولى انت اه اللى دخلك على النت اللى اعرفه انك عمرك ماكلمت حد من الجماهير على النت
    تامر:انا داخل علشانك
    ؟؟؟:انا(باستغراب)
    تامر:انا من ساعة ما سيبتك وانا بتكلم عليكى مع حسام
    ؟؟؟:اأ..أ..أ..انا لازم اقفل دلوقتى
    تامر: استنى شوية ممكن تفتحى الكاميرا اللى عندك علشان اشوفك
    ؟؟؟:اولا لا ثانيا وده الاهم معنديش كاميرا..وانا لازم اقفل
    تامر:طيب انا عايز اقولك كلام كتير قوى مهم
    ؟؟؟: ارجوك بلاش انت متعرفش اى حاجة
    تامر: بصى انا لازم اشوفك...انا عندى بعد بكره تصوير فى مدينة الانتاج الاعلامى الساعة10الصبح ممكن اقابلك هناك عايز اقولك كلمة واحدة ..(سكتت) علشان خاطرى
    ؟؟؟:طيب هاجى علشان انا اللى عندى كلام مهم..يلا قوم نام ..تصبح على خير
    تامر:وانت من اهله
    تامر طفى الكمبيوتر ودخل ينام وهو نايم لاقاها معاه فى الحلم و............ ايه الكلام المهم اللى عايزة تقولو
    (ايه ماتقومو بقى انتو حشريين ليه واحد و نايم وبيحلم ماكلنا بنحلم.)

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 7:59 pm

    [color=darkred]الحلقة السابعة(القنبلة)
    الحكاية عششت اوى فى دماغ تامر ...باينه صحيح هو بحلوته وبغباوته الحب طبعا...روميو الغنى حب وطب ووقع ومش دارى ..كان صاحى نايم يحلم بيها....وجاء يوم التصوير

    حسام: مالك مش مركز ليه يا تامر..عايزين نخلص النهاردة على خير..تامر انت معايا
    تامر:هى الساعة كام..لسه مجتشى عشرة هو الوقت مش راضى يمر كده ليه
    حسام :بص لتامر)هو انت مستنى حد
    تامر: ايوة انا مستنى البنت اللى حكتلك عليها من يومين ...متبصليش كده مقدرتش ما افكرش فيها ...بص يا اخويا يا حبيبى انا خدتلها تصريح دخول وادتهم اوامر انهم يخلوها توصل هنا علشان خاطرى استقبلها وانا بصور(حد خبط على الباب :استاذ تامر جهزين)
    حسام:الاستاذ جى..انت مجنون يا تامر(تامر بص له برجاء)حاضر هستقبلها
    تامر:ربنا يخليك ليه(الموبيل رن ..نمرة غريبة..بس تامر رد)الو..انت فين
    ؟؟؟بصوت حزين)انا على الباب
    تامر:قولى لهم اسمك وحد فيهم هيجيبك
    ؟؟؟:ماشى..مع السلامة
    حسام (تامر بص له)انا رايح استقبلها...روح صور بقى...الا قولى اعرفها ازاى
    تامر:لو لقيت واحدة غريبة تبقى هى
    ووقف حسام وعينيه على اللى رايح وجى وشافها صحيح زى ما وصفها مش باين منها شعرة....مغطية كلة بس شكلها انيق
    حسام:اهلا؟؟؟(ومد ايده بس رجعها مكانها على طول) نسيت ان انت مبتسلميش
    ؟؟؟رفعت حواجبها باستغراب)اه انت استاذ حسام ..اهلا بحضرتك...ام فين تامر
    حسام:تامر بيصور..تحبى تشوفيه..تعالى
    تامر بيصور مشهد مع مى فى الفيلم الجديد..المخرج قال كت..يلا نجهز المشهد اللى بعده..راحة ربع ساعة
    تامر جرى على؟؟؟ وعلى وجه ابتسامة تجنن
    تامرحاطط ايده ورا ظهره ..اصلو نفسه يسلم عليها) ازيك ..عامله ايه..مالك عينيكى ورمة ..انتى كنتى بتعيطى ..ردى عليا
    ؟؟؟: لا مفيش اصل سنانى بتوجعنى وا...
    تامر:الحمد لله يا شيخة سيبتى ركبى تعالى نمشى فى الهوا شوية ...انا عندى كلام كتير عايز اقوله ليكى
    ؟؟؟:تامر اسمعنى
    تامر:اسمعينى انت الاول..انا..
    ؟؟؟بحدة)تامر ارجوك اسمعنى انا عندى كلام اهم من كلامك
    تامر لفها ليه وبص فى عنيها ولقى دموع كتير)هو فيه ايه قولى
    ؟؟؟الدموع ابتديت تنزل زى الفيضان)انا ..مطلقة وعندى..ولد...انا اسفة قوى..انا عارفة انى خيبت املك ان اسفة..يا ريتنى ما اقابلتك ولا كلمتك(تامر زى المغمى عليه من المفاجاة...سبيته مع الصدمة ومشيت)
    ................اتصدمتو زى تامر ياترى تامر هيعمل ايه بكره

    الحلقة الثامنة (ماما..محتاج لحضنك)

    بصوا بقى على تامر عامل زى ما يكون حد ضربه على دماغه..كان شايف خيالات قدامه ..ولما فاق لقاها مشيت
    جرى وراها ونده عليا وهى مردتش كانت بتعيط جامد قوى وكان عندها ميت ومن الاخر كانت بتشحتف وبتنهنه جامد قوى.. تامر لمس كتفها وانتفضت ووقفت وبصت له

    ؟؟؟:ارجوك سبنى فى حالى انا مكنش لازم اجى النهاردة..لا انا كنش لازم اخش على النت..لا انا مكنتش لازم اكلمك اصلا
    تامر:ممكن تبطلى عياط شوية لحسن اقسم بالله لعيط ومتعرفى تسكتينى الا لما تخدينى فى حضنك(بطلت عياط وهى مخضوضة وقالت فى نفسها ده شكله مجنون ويعملها وبرقت بعنيها)
    تامر:متبصليش كده ما هوده اللى هيحصل
    ؟؟؟ابتسمت)سيبنى امشى ..بص انا مش زعلانة انا فرحانة انى اتعرفت على احسن راجل بس انا منفعكش
    تامر:طب لو قلت لك اقعدى علشان خاطرى..شوية صغيرة..طب لو قلت لك ان الكلام اللى انتى قولتيه مش فارق معايا
    ؟؟؟:ارجوك متتسرعش فكر بعقلك مش بقلبك (ولمست مكان قلبه باديها ..اقولكم تامر اكهرب ولما حسيت برعشته وشها احمر وبعدت ايديها عنه)
    تامر:ليه كنتى خلتيها شوية ..عارفة انا نايم بحلم بيكى..صحى برده معاكى
    ؟؟؟:تامر انت بتتعبنى بالكلام ده لازم تفكر كويس وتشاور..اقولك روح لماما واترمى فى حضنها واكلم معاها وخد رايها وتوصل معاها لبر الامان..عرفت ليه قلت لك انى بشبهها...وياريت تنسانى اكنى ما ظهرتش فى حياتك علشان خاطر مستقبلك
    تامر:ازى انساكى ده انتى اللى بتيجى مرة فى العمر ولا تتنسى.....علشان خاطرى ممكن اكلمك ..(حسام وصللهم)
    حسام :التصوير هيبتدى
    ؟؟؟:انا هامشى علشان الحق اوصل
    تامر:هاخلى حد يوصلك القاهرة
    ؟؟؟:لا شكرا زى ماجيت هاروح
    تامر:مع السلامة ..النمرة اللى عندى على الموبيل طبعا بتاعتك..متخفيش مش هتصل بيكى الا لما تقولى لى..انتى مش هتسلمى عليا
    ؟؟؟:معلش انا اسفة دى مسالة مبدأ...سلام عليكم
    (تامر بيتنهد تنهيده وكانه هيخرج نار من صدره)
    حسام:مالكو يا تامر انت مش طبيعى هى ضربتك ولا ايه(تامر رفع حاجبه اليمين)وهى كمان معيطة انت اتجننت ولا ايه
    تامر:مخك ما يروحش بعيد انا لو عايز اتنجنن اتجنن مع واحدة زى كده ما المجانين كتير... يلا نصور
    وبعد التصوير رجع تامر البيت وكان مهموم قوى ماما شفته كده
    ماما:تامر مالك يا حبيبى انت تعبان ..اجبلك دكتور
    تامر: تعبان قوى يا امى..بس مش محتاج دكتور..انا محتاجلك انتى ..محتاج حضنك وحشنى قوى
    ماماقعدت بجانبه وخدت على صدرها واتنهد ولقت دموعه نازله)مالك يا حبيبى متخضنيش...انا عمرى ما شفتك كده ابدا..
    وابتدى تامر يحكيلها كل حاجة وهى بتسمعه
    ماما:من وانت صغير شايل الحمل معايا انا واخوك...كنت حاسة ان انت راجلى شايل همنا انا واخوك
    تامرلسه بيبكى ورفع عينه ليها) وانا ياماما مين يشيل همى
    عارفة ياماما هى(
    مسح دموعه وابتدت الفرحة تظهر فى عيونه..اصلو هيحكى عليها).........

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:01 pm

    الحلقة التاسعة(الاستخارة والاستشارة)

    كنا سيبين تامر امبارح فى حضن ماما وبيتكلم على ؟؟؟

    تامر:عارفة لما قابلتها حسيت انى كنت طول عمرى مغمض وفتحت..حسيت بان الدنيا نورت حواليا بس لما قالت لى انها مطلقة لقيت النور اتهز جامد قوى
    ماما:طب هى قالت لك كده ليه على طول
    تامر: مش عارف كانت لازم تسيبنى فى الاحلام شوية
    ماما: لا طبعا ..هى اول ماحست انك خلاص هتدخل حياتها قالت توقفك وتصحيك..وده دليل على انها بنت كويسة ومحترمة
    تامر: (قام من حضنها وابتسم ) يعنى هى بتحبنى زى ما انا بحبها
    ماما: انت لسه معجب بيها بدليل انها لما قالت لك كده بتفكر اه ولا لا..تامر الست لما بتخرج من تجربة زواج فاشلة ده بيكون قاسى عليها قوى وبتكون خايفة من كل حاجة وشكة فى كل حاجة بتبقى عاملة زى العطشان فى الصحرا ويلاقى مياه بيسال نفسه ساعتها هى المياه دى حلوة ولا ملحة
    تامر:يعنى انتى رايك ايه يا ماما ..دلينى
    ماما:فكر فى شخصيتها وفى مميزاتها وعيوبها واوزنهم شوف انهى الاثقل ولازم تفكر بعقلك علشان متندمش....وشوف سبب صدمتك من موضوعها ..
    تامر:انا بس اتخضيت علشان مفكرتش فى الموضوع ده قبل كده
    ماما:الموضوع ده بقى عادى..المهم ان انت هتقدر تستحمل ابنها ومشاكله
    تامر: طبعا انا اكتر واحد احس بابنها.. وعموما انا لسه معرفتش اسباب انفصالها...عارفة يا ماما هى قالت لى انى هلاقى عندك بر الامان
    ماما: (مبتسمة) ادخل يا حبيبى صلى استخارة وربنا يعمل اللى فى الخير
    ودخل تامر صلى استخارة ونام....بس جاتلو فى الاحلام برده .....صحى تامر الصبح وكان موده مش كويس صلى ونزل من غير مايفطر زى عادته وركب عربيته وطلع بيها ووصل لغاية صاحبه وحبيبه د.محمود
    تامر:سلام عليكم يا حودة
    محمود:وعليكم السلام ورحمة الله وبركاته..ازيك يا تمور..فينك يا ابنى انا...مالك يا تامر فيه حاجة
    تامر: انا بس محتاج اكلم معاك انت فاضى
    محمود: وحتى لو مش فاضى ..انا عندى عملية بعد ساعتين تعالى نقعد ..تحب نشرب حاجة
    تامر: لا شكرا...انا محتاج استشيرك فى موضوع كده
    وحكى تامر لصاحبه كل حاجة
    محمود:طيب وايه المشكلة ..انت معجب بيها وهى كمان شكلها معجبة بيك يا سيدى لو كويسة يلا على خيرة الله
    تامر: يعنى انت رايك كده
    محمود: يا فنان انا اللى هقولك البنات دلوقتى اكترهم بيعملو ايه هى مش كانت متجوزة على سنه الله ورسوله يعنى مش بورقة عرفى وزى مانت بتقول محترمة ومتدينة و و و و..كل ده ومتردد
    تامر قام وحضن محمود والفرحة ملئت قلبه
    تامر: ربنا يخليك ليا انا حبيت اسمع وجهت نظر غير بتاعتى لاكون غلطان ولقتنى صح
    محمود: طب الحمد لله انك اتطمنت
    تامر: انا هامشى بقى علشان عندى تصوير الساعة واحدة ..سلام عليكم ونزل تامر وركب عربيته وطلب نمرتها
    ؟؟؟:الو
    تامر:انا تامر..ارجوكى اسمعينى ومترديش انا عايز اجوزك
    وسكتت ومردتش عليه
    تامر: الو الو ؟؟؟ ؟؟؟ ؟؟؟

    الحلقة العاشرة: (دموع الاحبة)


    امبارح كنا سايبين تامر مع ؟؟؟ على الموبيل وطلب ايديها للزواج والبنت يا حرام مابتردش ايه اغمى عليها ..انا معنديش بنات فافى يغمى عليها..كل اللى اعرفهم بنات رجاله
    تامر: ؟؟؟ ردى عليه
    ؟؟؟بصوت مرتعش)ايوة يا تامرهو انت اتجننت
    تامر:مالك حسة بحاجة
    ؟؟؟:لا انا كويسة بس اتلخبط لما سمعت صوتك
    تامر: ممكن اشوفك واقعد معاكى
    ؟؟؟:تامر انت عارف ان الموضوع صعب ...
    تامربصوت عالى)لازم تيجى
    ؟؟؟:حاضر ...هافكر وارد عليك
    تامر:من غير ماتفكرى..اتصرفى وتعالى ..سلام

    وراح قافل على طول ووصل التصويربعدها بنصف ساعة تليفونه رن

    تامر: هاقابلك امتى
    ؟؟؟: ممكن بعد بكرة الصبح فى حدود تسعة عشرة كده
    تامر:طيب بعد بكرة ان شاء الله الساعة 9.30 فى الاستوديو..خدى العنوان
    ؟؟؟:طب ماشى..مع السلامة

    خلص تامر التصوير الفجر وروح البيت اخد حمامه وصلى وشرب لبن دافى وفضل قاعد يكتب لغاية الساعة عشرة الصبح ماما دخلت عليه

    ماما: انت لسه صاحى ولا لسه مانمتش
    تامر: ياه الوقت سرقنى جامد ..صباح الخير يا ماما ..لسه منمتش ..كنت بكتب اغنية جديده
    ماما:هتفطر معايا
    تامر:طبعا..وهاقوم احضر معاكى الفطار
    ماما: النهاردة مزاجك رايق يعنى ..انت قابلتها
    تامر: لا انا هاقبلها بكرة

    فطرو مع بعض ودخل نام بعد ما قفل تليفوناته فضل نايم طول اليوم يظبط الموبيل على وقت الصلاة ويصلى ويدخل ينام علشان يحلم بيها بقى بيحب النوم علشان بيلاقيها ويكلمها ويشوفها فى الاحلام وبعد المغرب اتصل بحسام

    تامر: الو يا حسام انا عايزك تعالى لى البيت دلوقتى
    حسام: انا فى الطريق

    حسام وصل بعد ربع ساعة وماما فتحت له الباب

    حسام: سلام عليكو يا ماما..عاملة ايه
    ماما:وعليكم السلام ورحمة الله وبركاته..انت عامل ايه والعيال اخبارهم ايه
    حسام: الحمد لله كويسين وبيبوسوا ايديكى..امال فين تامر
    ماما: تامر نايم من الصبح
    حسام: ده لسه مكلمنى من ربع ساعة وقالى عايزك....
    تامر:انا هو يا حسام تعالى ....انا عايزك ماما اعمليلنا اتنين شاى
    ماما :لا انا هاحضر الغدا علشان ناكل كلنا مع بعض
    تامر: اقعد ومش عايزك تقاطعنى خالص
    حسام : حاضر
    تامر: عرفت ان ؟؟؟ ...اللى تعرفت عليها طلعت مطلقة وعندها ولد
    حسام: طب واحنا مالنا
    تامر: مانا نويت اجوزها
    حسام (بحلق لتامرقوى )..ماما دخلت علشان تقولهم ان الاكل جاهز ولقتهم واحد ساكت والتانى مبحلق
    حسام: يا ابنى كل بنات البلد لا كل بنات العرب يتمنو يجوزوك ..فانت تسيب كل دول وتحب واحدة كانت متجوزة ليه
    تامر:انا كنت متاكد من ردك علشان كده سيبتك للاخر
    حسام: يا سلام ومين كان الاول
    تامر:ماما...فاكر يا حسام ماما لما كانت تفتكرنا نايمين وتدخل اوضتها وتقعد تعيط على حالها وحالنا ..فاكر اد ايه انا وانت كنا محتاجين اب مش ماديا بس لا معنويا كمان فاكر
    كانت بتبقى حزينة اد ايه لما بتتفرج على فيلم حب او تسمع اغنية لام كلثوم فاكر
    حسام: مال ؟؟؟ ومال امك
    تامر: قالتها لى انا شبه ماماتك هى شبهى فى الانفصال بس كانت عايزة تقولى انها شبهها فى المشاعر فى الاحتياج فى ان حد يمسح دموعها ويطبطب عليا يخدها فى حضنه يبقى الحماية والامان
    حسام:ما احنا كنا جنب ماما وبنمسح دموعها

    عينين تامر وحسام احمرت وبقى فيها دموع اما ماما فدموع غرقت وجهها

    تامر: بذمتك مين احسن عند مراتك حضنك ولا حضن تامر ..مين بيديها الدفى والامان
    حسام: يعنى ايه
    بصو لماما لقوها بتعيط راحو وخدنها فى حضنهم
    ماما:ربنا يخليكو ليه يا ولاد فى الدنيا ..تامر اخوك عمرة ماهيوقف قدام سعادتك..مش كده يا حسام
    حسام بيمسح دموع امه)طبعا كده
    تامرضمهم لصدره) ربنا يخليكو ليه...ماما انا جعان قوى
    ماما: حاضر يا حبيبى ..انا هاسخن الاكل تانى
    تامربص لحسام)انا عايزك تحجزلى الاستوديو بكرة الساعة 9.30 الصبح
    حسام :انت هتسجل
    تامر: لا انا هاقبلها

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:02 pm

    الحلقة الحادية عشرة ( ما بلاش نتكلم فى الماضى)

    تامر صحى صلى الفجر وراح نايم تانى اصلو بقى مدمن نوم عايز يشوفها وتبقى معاه على طول ...صحى الساعة 7.30 ولقى ماما صحيت وبتقرا قران راح اتوضا وقعد جنبها وقرا قران لغاية الساعة 8 قام حضر الفطار له هو وماما وفطر ومسك التليفون واتصل بحسام

    تامر:ايوة يا حسام انت لسه نايم ..الساعة بقت 8
    حسام: لسه بدرى
    تامر:انت هتفوت عليا ولا اروح لوحدى
    حسام: انا صحيت اه..افطر واجى على طول مسافة السكة

    تامر دخل ياخد حمامه وهندم نفسه على سنجة عشرة..اه اصلو عريس بقى
    المهم حسام وصل تسعة الا ربع ولقى تامر مستنيه فى البلكونة ولما شافه نزل على طول

    حسام: صباح الخير يا تمور
    تامر:ايه يا حسام انت اتاخرت ليه كده م عارف النهاردة ايه بالنسبة لى..يلا اطلع هانتاخر
    حسام:ماشى

    وصلو العمارة اللى فيها الاستوديو الساعة 9.15 تامر راح للامن وقلهم ان فى واحدة اسمها كذا هتسال عليه خلوها تطلع وركب الاسانسير وطلع الرابع ولقى عم رزق الساعى لسه واصل وبينظف

    تامر:سلام عليكو ياعم رزق (وسلم عليه واداله فلوس زى ما اتعود)
    عم رزق:وعليكم السلام يا تامر بيه ..ربنا يخليك ويعلى مرتبك وينولك اللى فى بالك
    تامر:هى الدعوة دى يا عم رزق اللى فى بالى
    حسام:ازيك يا عم رزق ..المهندس احمد جه
    عم رزق: لا لسه بس هو سايب خبر انكو جايين
    تامر: عم رزق انت روقت المكتب
    عم رزق: ايوة يا بيه نظيف وزى الفل ..اعملكو الشاى بقى
    تامر: لا خليه لما الضيفة تيجى
    المهندس احمد دخل
    احمد: صباح الفل عاملين ايه انتو جايين بدرى ليه كده
    تامر: صباح الخير يا احمد .. حسام هيبقى يفهمك..(وبص فى الساعة لاقها9.30)
    دخل المكتب ومعه حسام واحمد ..خبط عم رزق
    عم رزق :في واحدة برة..
    نط تامر من مكانه هو وحسام وصل حسام الاول للباب ولقاها مش راضية تدخل ولما شافت حسام اطمنت ودخلت
    حسام: اهلا؟؟؟(ومد ايده علشان يسلم بس رجعها مكانها تانى)انا نسيت اتفضلى
    تامرواقف ورا) ازيك..اتفضلى
    (وبص لحسام) روح بقى يا حسام انت واحمد اشترو الفطار(وقبل ما يرد احمد حسام اخده وخرج من المكتب)
    كان فيه مكتب وراه شباك وعلى اليمين باب الاستوديو وكان فيه ترابيزة مدورة وعليها 4 كراسى قعدو قدام بعض
    كان قلبه بيسلم عليها وهى عيونها بتحضنه وتبوسة على خده ..ياه على المشاعر اللى كانت بينهم وانتبهت ان الباب مقفول عليهم
    ؟؟؟:ممكن تفتح الباب
    تامرقام وفتحه)انت خايفة منى
    ؟؟؟: لا ..لو خايفة مكنتش جيت
    دخل عم رزق ومع احلى اتنين شاى باللبن وحطهم وخرج
    ؟؟؟:الاستوديو ده بتاعك
    تامر: لا انا حجزته علشانك ..اصلى ياما بقابل الناس فى بيتى وده معاكى مينفعش دلوقتى ياما بقابلهم بليل معرفتش مكان هادى زى هنا...مردتيش عليا فى الطلب اللى طلبتو امبارح
    ؟؟؟: انا جيت علشان اعرف انت اتجننت
    تامر: ؟؟؟ انتى بتحبينى ...متهربيش منى بعنيكى بصيلى وردى
    ؟؟؟: (دموعها ابتدت تتساقط وبعد ماحبك هاعمل ايه هاعيش ازاى ....
    تامر: انا بطلب منك الجواز وانا فى كامل قواى العقليه
    ؟؟؟: قبل ما تعرف عنى حاجة
    تامر: مانا جى النهاردة علشان اعرف ولاول مرة ولاخر مرة هاسمع حكايتك
    ؟؟؟: انت اكيد اتجننت ..ومستقبلك
    تامراتنرفز)ايه يا بنتى انتى اتطلقتى بس مش مسجونة فى قضية..اعقلى انا مش صغير ولا طايش واعرف اقدر الامور كويس

    ؟؟؟: عايزنى ابتدى منين من البنت الشعنونة اللى كانت ايام الجامعه اللى كانت تعرف طوب الارض بس ايه كلهم اخواتها
    تامر:يعنى ايه كلهم اخواتها
    ؟؟؟:واحد كنت اعرفه قالهالى انت متنفعيش الا اختنا مش اكتر المهم بعد ما اتخرجت واشتغلت فى مدرسة..وبعد وفاة خالتى .. امى ابتدت تلتزم اكتر وبدات تبحث عن مكان لتحفيظ القران وولاقيته وودتنى معاها وحبيت المكان بيت ست فاضلة معتمدة من الازهر حجة ولبست الخمار بعدها بشهر وهناك شافتنى اخته وعجبتها وجابته لغاية بيتنا علشان يشوفنى وساعتها انا ثورت وقلت لهم هو جى يشترى تلاجة ولا ايه قالو لى اقعدى معاه ولو ماعجبكيش ارفضى
    تامر: هو فيه حد كده النهاردة..كملى
    ؟؟؟: ما كذبش عليك الذوق والاحترام و ووووو..المهم اتخطبنا 6شهور وبعده اتجوزته والصدمة حصلتلي ثامن يوم جواز
    تامر:ايه اللى حصل
    ؟؟؟:اضربت
    تامر:ايه
    ؟؟؟:وبعدها باربع خمس ايام اضربت علقة سخنة عند مامته واتشتمت ....المهم جبت ابويا وامى وبما انى انا لسه عروسة ازى اطلق ....لا يا بنتى عيشى واستحملى علشان الناس تقول ايه(وبكت) والناس هتعملى ايه لما اتهان الناس هتعمل ايه لما ابقى تعيسة انا بكره الناس دول...وعموما صبرت وخلفت ابنى انس
    تامر:اسمه انس
    ؟؟؟:ايوة..احلى حاجة فى حياتى..خلفته وطلع عنده مشاكل فى القلب وكانت حماتى دائما بتتهمنى انى السبب..عارف ساعتها عيطت وسالت ربنا ليه ابنى كده وكان ليه حكمة عرفتها بعدين ..المهم صبرت على الذل والمهانة سنتين وبعد السنتين البيه جه وقلى انا اتجوزت عليكى واحدة غنية تصور واحد يبيع نفسه لواحده اكبر منه بثمانية سنين علشان الفلوس..يلعن ديه فلوس
    تامر: كملى
    ؟؟؟:صبرت عليه شهر واثنين وتلاتة قلت له ابيع ذهبى وطلقها فضل يمطوح فيا لغاية لما جابها البيت عندى بتتفق معايا هتاخدو كام يوم تخيل
    تامر: قولت لها ايه...ده بجح اوى
    ؟؟؟:قولت لها خديه مش لازمنى فى حاجة ويومها كان عايز يضربنى قدامها...المهم طردتهم من الشقة وفى الفجر اتصلت بامى وابويا علشان يتصرفو...اهلى طيبين قوى قال ادوله فرصة يطلقها ويرجع لى...قلت لهم مش عايزاه خالص...وبعدها بشهر تم الطلاق بعد ما اتنزلت عن كل حقوقى
    تامر: من حقك طبعا وبعدين
    ؟؟؟: ربنا رجعلى حقى
    تامر: ازاى
    ؟؟؟: بعدها بشهر جه علشان يردنى وقعد يتحايل ولغاية دلوقتى بس على مين ده ربك منتقم جبار
    تامر: وابنك
    ؟؟؟: ابنى عملتلو عملية قلب مفتوح من سنة وعرفت حكمة ربك من مرضه انه يفضل معايا..ولسه عنده صمام عايز يتغير
    تامر: وبعدين وصلتى ايه
    ؟؟؟: بعد الطلاق حسيت بالمرارة فى حلقى ليالى كتير كنت بعيط على حالى كنت محتاجة صدر حنين يضمنى ويمسح دموعى ويطبطب عليا ...
    تامر: ممكن اكون الراجل ده ..ممكن اكون جوزك وابو ابنك ....(عيونه دمعت) انا كنت محضر كلام كتير دلوقتى مش فاكر منه حاجة..ممكن اخرج اعمل حاجة ثوانى واجى خرج تامر من المكتب وقبل ما يرجع كانت المفاجاة

    الحلقة الثانية عشرة(انا عايز اعيش معاكى)

    خرج تامر ليه ..هتعرفو كمان شوية وفجاءة اشتغلت مزيكا وساعاها قامت ؟؟؟ من على الكرسى ورحت عند الشباك الكبير ووقفت تبص للسما واشتغلت اغنية

    حب كان فين الحب قبل ما اهواك
    بكرة مش عايز بكة الا وانا وياك
    لو هاعيش انده بكلمه تبقى اسمك
    لو هاعيش احلم ببكره يبقى منك
    وسرحت مع الاغنية وابتدئت تغنى معاها...تامر اهو داخل المكتب على طراتيف صوابعه علشان متحسش بيه ..ليه..اصل بصراحة طقت فى دماغه انه يخدها فى حضنه ويمسك وشها بين ايده ووووكفاية كده خلينا مع تامر
    تامر واقف وراها وخلاص هيحضنها لقى ايده متسمرة جنبه
    عقله رفض يعمل اللى قلبه عايزه
    اصله بيحب يعمل كل حاجة بالحلال
    واول ما وصل ليها ووقف وراها بطلت تغنى وتسمرت وقالت له وهى مديله ظهرها
    ؟؟؟:حلوة الاغنية دى قوى
    تامرفاق)انتى عرفتى ازاى انى هنا
    ؟؟؟لفت وبصتله ووشها احمر)حسيت بنفسك وشميت البرفان بتاعك
    تامر: هو انا بحب الكلب هول ولا ايه(وضحكو جامد وتامر بعد عنها علشان يعرف يسيطر على نفسه وراحو قعدو مرة تانية على الترابيزة)
    ؟؟؟:كل ده كنت عايز تقوله ليه (وبصت فى عنيه وعيونها بتقول له بحبك وبموت فى التراب اللى بتمشى عليه)
    تامربص فى عينيها وعارف هى بتقول ايه)عارفة لولا انى عارف انك هتزعلى كنت قمت حضنتك ومسبتش حضنك ابدا ولو حتى جابو مين
    ؟؟؟وشها احمر وبعدت وشها عنه ) مش هقولك على اللى ممكن يحصلك لو عملت كده..بس مش انا اللى هزعل
    تامر:يا واد يا شديد...امال مين انتى هتقولى لابوكى
    ؟؟؟: لا ربنا اللى هيزعل منك
    تامر:افحمتينى (ودخل عليهم حسام)
    حسام:تامر الساعة بقت واحدة مش هنسجل بقى
    ؟؟؟انتفضت واقفة) يا خبر انا مش هالحق دكتور الاسنان
    تامربص بغيظ لحسام) استنى شوية احنا لسه ما قلناش حاجة (لف لحسام) ماشى يا حسام ..المهم لسه ماقولناش..هاروح لابوكى امتى
    ؟؟؟:بابا..طب ازاى هاقوله
    حسام:بسيطة انت ماعزمتهاش على حفلة يوم الجمعة
    ؟؟؟:انا مبحضرش حفلات دى دوشة
    تامر: لا دى حفلة فى الهيلتون عاملها السبكى على الضيق علشان الفيلم ..خدى الدعاوى اهى ..هاتى بابا وماما واخوكى وكمان انس يوم الجمعة الساعة 9.30 ..وقوليلهم انك كسبتيهم فى مسابقة
    ؟؟؟:هابتديها كذب ..لا انا هاحكى لاخويا وهو يتصرف
    تامر:مش خايفة يزعل
    ؟؟؟: الصدق سعات بينجى ..وربنا يستر
    تامر: طب يلا ..حسام مفتاح العربية
    تامر خد المفتاح ومشى ولما خرج من الاستوديو على صوته وقال
    تامر:انا جاى اسجل بعد ربع ساعة

    (ودخل معاها الاسانسير ونزلو الجراج ولما وصلو للعربية وقفت
    وبصت عليها وقالت
    ؟؟؟: ايه ده

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:04 pm

    الحلقة الثالثة عشرة(هاوصفهالك ..يا امى)


    ؟؟؟واقفة امام العربية
    ؟؟؟:هى الهامر كشت وبقت تيوتا ولا ايه
    تامر:هو انتى مش عاجبك حاجة..دى عربية حسام..يلا اركبى
    ؟؟؟:لا عجبانى
    تامر:عارفة الهامر اللى بتتريقى عليها انقذتنى كام مرة
    ؟؟؟بتضحك وميتة على نفسها من الضحك
    تامر:تسمحى تقولى لى بتضحكى على ايه
    ؟؟؟:اصل افتكرت ازاى البودى جارد كان بيحاول يدخلك فيها بعيد عن المعجبين
    تامر: عارفة انا ساعات برجع البيت متعور(ودور العربية وشغل الراديو وكان في اغنية للست)


    وقابلتك انت لاقيتك بتغير كل حياتى
    معرفش ازاى انا حبيتك معرفش ازاى يا حبيبى
    بصوا لبعض وضحكوا
    تامر:والله ما قلت لهم حاجة خالص..شفتى حسيين بيه
    ؟؟؟:طب وقف هنا ..يارب الحق الدكتور
    تامر:انتى صحيح رايحة للدكتور
    ؟؟؟: ايوة امال عايزنى اقول ايه لبابا خارجة ليه
    تامر:انتى هتيجى يوم الجمعة..انتى لو مجيتيش انا ممكن ام..
    ؟؟؟وكل حب الدنيا فى عنيها)بعد الشر متقولش كده..وادعى ربنا من قلبك..وان شاء الله هاجى..يلا سلا م
    تامر:مع السلامة(الموبيل رن وكان حسام شايط
    حسام:تامر انت هاتجننى قريب..احنا عندنا شغل...مش معقولة كده
    تامر:انا خلاص داخل عليكو اهو..مع السلامة
    وبعد نصف ساعة وصل تامر الاستوديو وابتدى الشغل وبعد ربع ساعة موبيله رن والكل بص له علشان دى اول مرة يسيب موبيله مفتوح خد الموبيل وخرج
    تامر:الو ايوة يا حاج ...مانا عارف امال عايزانى اقول قدامهم ايه..الدكتو قال ايه
    ؟؟؟:شوية التهابات بسيطة فى اللثة
    تامر:اوعى متجيش يوم الجمعة
    ؟؟؟:هاجى على الاقل هاخد حاجتى اللى عندك
    تامر:حاجة ايه..انتى نسيتى حاجة فى المكتب
    ؟؟؟بصوت منخفض)لا قلبى معاك انت
    تامر(اتنطط زى العيال من الفرحة) الله هوالدكتور اداكى ايه ..ماكنتى بليتى ريقى واحنا قاعدين مع بعض
    ؟؟؟ضحكت) الناس بتتفرج عليا ..يلا سلام
    تامر:قوللهم محدش يتفرج..انا بس اللى اتفرج
    ؟؟؟:سلام علشان وصلت البيت
    تامر:مستنيكى على النت الساعة 12
    ؟؟؟:ماشى..سلام
    تامر فضل يشتغل وهو فرحان وروح البيت وهو بيدندن بحبها لعبد الحليم وفتح الباب ولاقى ماما قاعدة مستنياه
    تامر: السلام عليكم يا بطة ..عاملة ايه النهاردة
    ماما:وعليكم السلام يا تمور ..كويسة..ايه انت قابلتها
    تامر:دا انا قابلتها وكلمتها وحضنتها وبوستها كمان
    ماما:انت مش قولت انها مؤدبة
    تامر:انا حضنتها بقلبى وبوستها بعيونى وهى كمان
    ماما:طب ادخل خد حمام وتاكل وتحكى لى
    تامر: ماشى
    تامر طلع من الحمام لاقى الاكل جاهز وماما مستنياه
    ماما:قولى شكلها ايه
    تامر:بصى هو طويلة ورشيقة وخمرية وعيونها واسعة ومنخيرها رومانى ...بس اللى شدنى ليها حاجة تانية هى تبان عاقلة بس مجنونة ..سعات بتكون عينيها شقية شقاوة سلمى بنت حسام ..نفسها تجرى وتلعب وتضحك..تحسى وانتى بتكلميها انك عارفها قبل كده ..مرتاحلها عايزة تعيشى معها..لما بتضحك تحسى ان الدنيا بقت جنة ولما بتغضب بتغضب غضب الام الحنين وفى ثوانى تلاقى التكشيرة راحت من على وشها
    عارفة ان قلت لها انا عايز ابوسك كانت هتقوم تضربنى
    ماما: عيب يا تامر لما تقولها كده..وبعدين حد طايل القمر يبوسه...ها وبعدين
    تامر:مفيش عزمتها على الحفلة اللى عاملها السبكى..حضرى نفسك علشان هتبقى معايا
    ماما:انا ليه بقى
    تامر:عايزك تشوفها مش يمكن متعجبكيش
    ماما:معقولة قلبك يغلط..متهيئليش
    تامر:ياه الساعة بقت 11.30 ميعاد نومك جه يا طمطم
    ماما: ماشى يا سيدى يلا تصبح على الف خير يا حبيبى
    تامر:وانت من اهل الخير


    الحلقة الرابعة عشرة (عصبى جدا)



    ودخل تامر أوضته وفتح الجهاز ودخل على اللفرز باسم تانى طبعا اصله بيتابع اللفرز يومى بس متخفى وقال لما اروح الماسنجر علشان اكلمها..لاقاها مستنياه


    تامر:كويس انى لاقيتك
    ؟؟؟:مش قلت لك ان السكن بيستنى صحبه
    تامر:الكلام ده كان قصدك بيه انا
    ؟؟؟: بصراحة انا كنت معجبة باغانيك
    باحساسك العالى لما بتغنى اغانى معينة..بس متصورتش ابدا انك ممكن تعجب بيا
    تامر:وليه بقى
    ؟؟؟:احنا كلنا بنحب القمر بس القمر بيحب مين
    تامر:الله عليك يا عبد الوهاب ..انا عايزك بقى تحكى لى شوية عنك
    بتحبى ايه بتسمعى ايه..بتتفرجى على ايه
    ؟؟؟:بص يا سيدى بحب كل حاجة وبالاخص الرومانسى والاكشن المهم الفيلم ميكنش تافه..عارف قبل ما اخلف كنت بحب افلام الرعب جدا ومبخفش خالص بس لما خلفت قلبى بقى ضعيف قوى
    تامر:يا سلام على الرومانسية..ازاى رومانسية ورعب مع بعض ما يركبوش
    ؟؟؟:معرفش كل مود وله افلامه ..يمكن ده جنان
    تامر:ها يا مجنونة وبتحبى تسمعى لمين كمان ..طبعا ليا
    ؟؟؟:لا طبعا الاغنية هى اللى بتشدك علشان تسمعها..وكل موقف وله اغنيته..بس فى العموم بحب الست وحليم وعمرودياب
    تامر:وانا
    ؟؟؟:وانت يا سيدى متزعلش...بجد ليك اغانى تهبل تطيرك وتشيلك فوق السحاب وتشوف الجنة...واجارك الله ليك اغانى تانية تخسف بيك الارض ..بقى يا راجل تقولها لو وقفتى على اديكى ..هتقولى الشباب بيقولو كده ..ايوة بس مش فى اغنية
    تامربيضحك)طب والتمثيل
    ؟؟؟:بصراحة ومش هتزعل
    تامر: هو فيها زعل... قولى
    ؟؟؟:انت لسه بتبتدى تمثل وده كان فى هيما..ولازم تاخد كورسات فى الاداء والالقاء
    تامر:انتى مش قلتى انتى خريجة تجارة ..امال ايه ده ..ده انتى ليكى فى الفن برده
    ؟؟؟: مانا قلت لك انا كنت فى فريق تمثيل الكلية وكمان مثلت معاهم على المسرح القومى
    تامر: قلت لى... وطب ومكملتيش ليه
    ؟؟؟: ماكذبش عليك كان نفسى بس ماما اعترضت بشدة وانا كمان ربنا هدانى وبعدت ويكفينى المتابعة
    تامر:وانتى عايزة تعرفى عنى ايه
    ؟؟؟: يا بنى انت مفضوح فى كل حتة ..لو كلت بنعرف لو نمت بنعرف
    تامربيضحك)انتى تحفة....عيوبى مثلا
    ؟؟؟: هو انت عاوز تبوظ الجوازة...خد عندك اول عيب
    تامر: انت هتعدى هو انا كلى عيوب للدرجة ديه
    ؟؟؟:لا بس اكبرهم العصبية والنرفزة...انت عصبى لدرجة العنف احيانا
    تامر:يا لهوى ..ايه يا بنتى انتى بتعرفى الحاجات ديه منين ...انتى مسلطة حد عليا...بس مابضربش حد وانا متنرفز
    ؟؟؟:هاتكذب من اولها ممكن تضرب راجل انما ست ميتهيئليش..بس ممكن تكسر فازة طبق..تضرب كرسى برجلك
    تامر:انتى قابلتى ماما ولا ايه
    ؟؟؟:لا والله عمرى ما شفتها ..بس انت قلت مرة انك عصبى وانا استنتجت الباقى..انت بقى ماسالتنيش عيوبى ايه
    تامر:هتكون عيوبك ايه يعنى
    ؟؟؟:انت عارف المدرسة بتبقى عاملة ازاى
    تامر: بيبقى صوتها عالى..اوعى تقولى انا مبكرهش اد الصوت العالى
    ؟؟؟:لما بزعق لابنى بس
    تامر:خلاص مادام لابنك موافق ..وايه كمان
    ؟؟؟:يعنى شعنونة ومجنونة متسرعة احيانا و اوقات عاقلة جدا
    تامر:اه الجنان ده هو انا فاضى للجنان ده ..وعموما اهو تغيير علشان الملل
    ؟؟؟:يعنى علشان لو عايز تصرف نظر
    تامر:لا طبعا انا بهزر..بس اوعى تزعقى وانا عصبى علشان متلقيش حاجة على دماغك
    ؟؟؟:يا خبر من اولها
    تامر:انتى قلتى لاخوكى
    ؟؟؟:لسه مجاش ..بقولك سلام علشان بينه جه...هاكلمك بكرة واقولك عملت ايه...تصبح على خير
    تامر:وانت من اهل الخير
    ودخل نام علشان يفضل معاها

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:05 pm

    الحلقة الخامسة عشرة (انا فى انتظارك)



    تامر صحى الصبح وهو سعيد جدا ونزل بسرعة قبل مايفطر اصله كان عنده تصوير الساعة 8 ولما وصل الاستوديو موبيله رن وكانت هى


    تامر:صباح الفل على احلى عيون فى الدنيا
    ؟؟؟:انت بتكسفنى قوى..طب انا هاقولك ايه دلوقتى ..مش عارفة غير ربنا معاك
    تامر: ربنا يخليكى ليا..ها قولتى لاخوكى
    ؟؟؟: لسه النهاردة ان شاء الله
    تامر:انتى لازم تيجى الحفلة
    ؟؟؟:حاضر ...يلا بقى سلام
    تامر:سلام


    وابتدى تامر يصور واستمر التصوير للساعة 11 بليل واول ما المخرج قال فركش موبيل تامر رن
    تامر:ايوة يا عمرى انتى متفقة مع المخرج
    ؟؟؟:ليه
    تامر:اصلى لسه مخلص حالا
    ؟؟؟:قلب المؤمن دليله..ياه كل ده تصوير..انت بتتعب قوى..انت هتروح على طول
    تامر:خايفة عليا...هو انتى تانى هتتكسفى
    ؟؟؟:انا حبيت اسمع صوتك
    تامر:اخيرا..اعتبر دى بداية
    ؟؟؟:طب يلا اقفل بقى..وروح نام..هاكلمك بكره...وهاستناك على النت زى ميعادنا12
    تامر:ماشى .انا وصلت البيت خلاص


    طلع البيت وقعد يشغل الاغانى بتاعته لغاية مالفجر اذن دخل خد حمامه ونزل يصلى ورجع ينام وكانت جانبه فى الحلم بتخفف عنه وهو تعبان و......(كفاية عليكم كده)
    المهم تامر صحى من نومه الساعة 11 بليل تانى يوم اصله بيقوم يصلى وينام تانى خد حمامه وطلع ياكل اصله كان جعان قوى ودخل على النت قبل 12 لاقاها مستنياه
    تامر:هو احنا مش قلنا 12..دخلتى بدرى ليه
    ؟؟؟:هتصدقنى لو اقللك حاجة خلتنى ادخل دلوقتى مفيش ثوانى
    تامر:مصدقك..ها عملتى ايه
    ؟؟؟:اول حاجة قولت له
    تامر:قالك ايه
    ؟؟؟:مصدقش افتكرنى كنت بحلم ..بس لما ورته الدعاوى استغرب وقال ده مجنون
    تامر:يشكر
    ؟؟؟:متزعلش انا كمان بقول كده
    تامر:ليه كل ده
    ؟؟؟:اصل الحكاية كلها جنان فى جنان...بس هو قالى مكلمكش على الموبيل تانى
    تامر:وطبعا مقولتلوش انك بتكلمنى على النت
    ؟؟؟:لا طبعا ...امال اعرف اكلمك ازاى
    تامر:وكان رده ايه...هيجى
    ؟؟؟:قال اللى فيه الخير يقدموا ربنا....سلام بقى لحد يجى
    تامر:خليكى شوية
    ؟؟؟:ماحنا هنشوف بعض بكرة ..ان شاء الله
    تامر:ان شاء الله..ماشى...تصبحى على خير
    ؟؟؟:وانت من اهله


    دخل تامر علشان ينام تانى لغاية الصبح وصحى وهو قلقان لما تجيش وطلع من اوضته لاقى ماما محضرة الفطار فطر ونزل يصلى الجمعة ودعى ربنا ان ييسيرله الامر وطلع
    ماما:هتتغدى ايه يا حبيبى
    تامر:ياريت حاجة خفيفة علشان الحفلة بليل.....هو الموبيل مارنش
    ماما:لا..ركز ياحبيبى شوية...والله دعتلك وربنا هيوفقك
    تامر:مش عارف اتصل بيها والا لا
    ماما:ممكن تعملها مشكلة
    تامر:انا هدخل على النت شوية لغاية متحضرى الغدا
    ودخل تامر على ايميله وصرخ وماما جت من المطبخ على صوته...................



    متخفوش مش هاقول بكرة لا هنكمل


    ماما:فى ايه يا تامر ..مالك يابنى
    تامر:جايه يا ماما..هتيجى الحفلة..هاجوزها يا امى
    (وكان حاضن امه وبيلف بيها الاوضة
    ماما:يا حبيبى قلبك هيوقف من الفرحة ..اهدى شوية...امال لما تيجى تتجوزها هتعمل ايه
    تامر:يارب اسمع منها ومنى يارب..انا هقعد اكوى هدومى عقبال ماتحضرى الغدا
    والاكل جهز وتامر اتغدى ودخل ينام شوية ووصل حسام الساعة 7
    حسام:تامر هو انت لسه نايم...يلا هنتاخر
    تامر:ايه ده..الساعة كام ..يا خبر انا نمت كل ده..هادخل الحمام ودقايق وهاكون جاهز..روح شوف ماما جهزت ولا لا
    خرج تامر من الحمام وابتدى يلبس لبس بدلة سودة وكوفية على رقبته قعد يلمع جزمته ولبسها وحط برفان وخرج لماما الساعة 8.15
    تامر:ايه رايكو
    ماما قرات المعوذتين الله اكبر زى القمر
    حسام:عارف انت لبست الطقم ده قبل كده بس انت النهاردة بجد وشك منور...مبروك يا عريس(وخده فى حضنه)
    تامر:انا خايف قوى اكنى رايح امتحان..ادعى لى يا ماما
    ماما:دعيالك من قلبى
    حسام:يلا هنتاخر


    وصلو الهيلتون الساعة 9.20 تامر لقى السبكى بيرحب بالناس اللى جيه وابتدت الضيوف تهل مؤلفين ومخرجين وممثلين اهو احمد عبد الفتاح بيسلم على تامر ...كل ده وتامر مشغول بالباب مى وصلت اهه وسلمت على تامر..تامر مبيهزرش زى كل مرة مع الناس كان مشغول بانتظارها
    والساعة 9.45 وصلت وووووووووووووووووو

    الحلقة السادسة عشرة (دارى على شمعتك)

    ولما دخلت القاعة شافها وكانه بيشوفها لاول مرة لبسة طرحة لف كبيرة على بلوفر موهير وجيبة سودة مش ضيقة قوى ومأنجة راجل كبير فى الستين ابيض متوسط الطول لابس بدلة فرانى سنيه ووراهم اخوها ابيض زى باباها وشبهه ولابس بدلة سوداء شيك واول ما شفهم استاذن من الناس اللى كانو معاه وشاور لحسام وراحو علشان يستقبلو اهم ضيوف فى حياته..تامر مد ايديه وابتدى اخوها بالسلام
    اخوها: ازيك يا تامر
    تامر:ازيك ..عامل ايه شرفتنى...(وسلم على باباها) اتفضل يا عمى ولا اقولك يا حج
    باباها:اللى تشوفه ..احسن عمى ..فين
    تامر:والدتى هناك ..اتفضلو

    كل اللى كان فى القاعة لاحظو اهتمامه بالناس اللى محدش يعرفهم الا هو
    وصلو لترابيزة ماما وابتدو التعارف
    تامر:ماما..عمى ...؟؟؟....اخوها....حسام اخويا
    باباها:اهلا يا حجة..اهلا يا استاذ حسام
    ماما:اهلا بيك يا حج اتفضل ...؟؟؟ اتفضلى جنبى
    ؟؟؟وشها احمر وبتترعش وبصت لتامر علشان تطمن بص لها وهز راسه)
    شكرا يا طنط
    تامر:عن اذنكم انا لازم ابتدى الحفلة
    اخوها:اتفضل
    تامر طلع على المسرح الصغير وابتدى يغنى وكان متسلطن قوى غنى سواح وبحبها وتلات سلامات وحبيبتى من تكون وبعض اغانيه وبعد ماخلص السبكى فتح البوفيه
    تامر سلم على شوية ناس وبعد كده استاذن وراح علشان المهم....وغمز لماما علشان تقوم وتاخد؟؟؟معاها
    تامر:ماما ما تقومى تشوفى البوفيه
    ماما:طيب بعد اذنكو..متيجى يا ؟؟؟معايا
    ؟؟؟بصت لباباها فهز راسه بالموافقة وراحت مع ماما
    تامر:اهلا وسهلا يا عمى
    باباها:اهلا بيك ..للعلم صوتك حلو انا اول مرة اسمعك..بجد غنيت حليم حلو قوى
    تامر:معقولة يا عمى..دى شهادة اعتز بيها...
    بص يا عمى انا عارف ان المكان مش مناسب بس انا طالب ايد بنتك ؟؟؟
    بابها:يا بنى هو انت عارف ظروفها
    تامر:طبعا يا عمى ..انا عايز اجى البيت علشان نكلم حضرتك شايف الدوشة
    باباها :تشرف يا بنى
    تامر:ممكن بكرة اى وقت يناسب حضرتك
    باباهاضحك)تشرف يا بنى البيت بيتك
    تامر:ممكن بكرة الساعة 7 يناسب حضرتك
    باباها:تشرف
    وقعدو يكلمو فى الغنا ويضحكو ويهزرو مع بعض اكنهم يعرفو بعض من زمان
    ايه ده احنا سيبنا؟؟؟مع ماما ماتيجو نروح نشوف بيقولو ايه
    ماما:ازيك
    ؟؟؟:ازى حضرتك
    ماما:انا مكنتش متصوراكى كده...انتى شكلك صغير
    ؟؟؟:ربنا يخليكى يا طنط ..انا سمعت عن حضرتك كتير
    ماما:يا رب تكونى سمعتى خير ....انتى عارفة انا شجعت تامر لما حكى لى عنك..انت بتحبيه؟
    ؟؟؟:انا مش عارفة ازاى ده حصل....ازاى حبنى بالطريقة ديه..اه انا بحبه
    ماما:تامر حنين قوى ومفيش زيه ..ومتهيئلى فيكى حاجة شدته
    ؟؟؟:بس انا مش زى البنات اللى حواليه ..شايفة البنات عاملين ازاى
    ماما:يا بنتى لو على الحلاوة ماهى حواليه على طول..اللى شد تامر ليكى حاجات هو اللى حاسسها..هو لاقى فيكى خياله ..البنت اللى بيدور عليها
    وفجأة لاقو تامر بينهم
    تامر:بتكلمو على مين
    ماما:كنا جايبين سيرتك
    ؟؟؟بصت له وسألته بعنيها ايه اللى حصل
    تامر:انا جاى بكرة الساعة 7

    كان نفسه يحضنها يدخلها بين ضلوعه يوصلها لقلبه اللى عامل فرح وهى كمان كان نفسها تبوسة تترمى فى حضنه وتفضل كده لغاية ماتموت

    مامافوقتهم) يلا يا ولاد نروح على الترابيزة...الناس بتتفرج علينا..تامر دارى على شمعتك تقيد
    وراحو وقعدو وتامر قعد يكلم اخوها وباباها يتكلم مع ماما وهى قاعدة بتتفرج عليهم والساعة12 باباها استاذن علشان يمشى
    تامر:ما بدرى يا عمى
    باباها:بدرى من عمرك..كفاية كده..انا مش واخد على السهر
    ومشوا خدت قلبه ومشيت وهو خد قلبها وسهر فى الحفلة لغاية الساعة 2

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:06 pm

    الحلقة السابعة عشرة(هاشيلها فى عنيه)

    تامر وماما رجعو البيت بعد ما حسام اخد عربيته ومشى
    تامر:ها ياماما عرفت اختار
    ماما:شكلها بنت حلال وحبوبة...وان شاء الله هى اللى هتسعدك
    تامر:يعنى حلوة
    ماما:حلاوتها حلاوة بنت البلد المصرية مش حلاوة لبنانية
    تامر:ولا باباها راجل دمه زى السكر..كنت بتكلم معاه زى ما يكون اعرفه من زمان
    ماما:شكلهم ناس محترمة
    تامر:الحمد لله لغاية هنا كويس ..انا متفائل

    وكل واحد دخل اوضته علشان ينام وصحيو تانى يوم الساعة12 ظهرا
    تامر اول ماقام من النوم اتصل بيها

    تامر:صباح الخير يا احلى؟؟؟ فى الدنيا
    ؟؟؟:احلى صباح...صباح ايه يا بنى احنا الظهر قول مساء الخير..كل ده نوم
    تامر:اصلى راجع الساعة 2.30 وعقبال ما صليت ونمت
    ؟؟؟:قولى ماما رايها ايه
    تامر:بتقول عليكى بنت حلال..وباباكى قال ايه
    ؟؟؟:سالنى عليك اتقابلتو ازاى وفين وتعرفى عنه ايه
    تامر:وانتى قولت له كل حاجة عنى
    ؟؟؟:ايوة كل حاجة
    تامر:وقال ايه
    ؟؟؟:قال هيشوفك النهاردة ويكلم معاك
    تامر:ماشى هاجبلك ايه وانا جاى
    ؟؟؟:هات لى تامر معاك
    تامر:انا بقول حاجة حلوة
    ؟؟؟:مفيش احلى منك
    تامر: ياه ايه الكلام الحلو ده انا هجبلك شيكولاته وكمان تورتة ميل فاى
    ؟؟؟:انت عرفت منين انى بحب الميل فاى
    تامر:حسيت ..مش انت لوحدك اللى بتحسى بحد..وانا كمان بحبها
    ؟؟؟:يلا بقى انتى معطلنى ..عندى شغل كتير فى البيت...اصلى جى لى عريس عقبال عندك
    تامر:لولولولو..عقبال عندك يا ام فاروق..يلا يا بت يا سيدة انا هاجى بنفسى اشوف عملتى ايه
    ؟؟؟:حاضر يا سيدى ..يلا بقى سلام
    تامر:مع السلامة

    ومر اليوم بسلام وجه حسام الساعة 6.30 وماما فتحت له الباب
    حسام:فين العريس يا ماما..يا تمور انا جيت وجبتلك الحاجات اللى قولت عليها...ايه رايك فى البوكية ده يا ماما
    ماما:ما شاء الله
    تامر:ايه ده انا العريس مش انت..هى مراتك نزلتك من البيت ازاى مخافتش
    حسام:ايه اللى انت لبسه ده ..انا قلت هتلبس اللى على الحبل
    تامر:البلوفر جديد والبنطلون جديد والشراب جديد وكمان...جديد عايز ايه تانى(بص لماما)ادعى لى يا ماما
    يلا يا حسام ..سلام عليكو
    ماما:ربنا معاك يا بنى ..وعليكم السلام ورحمة الله وبركاته
    ولما ركبو العربية
    حسام:انت عارف العنوان
    تامر:لا..هاتصل بيها...الو ازيك يا عيونى...هو العنوان ايه
    ؟؟؟:فاكر الشارع اللى وصلتنى ليه يوم مؤمن؟؟؟اقف هناك واخويا هيجى ياخدك
    تامر:ماشى...لف يمين ايوة الشارع الجاى شمال وعلى طول..ادخل اليمين الجاى وامشى على طول...اهو اخوها
    تامر:يا اخوها....يلا اركب
    اخوها:ازيك يا تامر..ازيك يا استاذ حسام
    حسام:استاذ ايه..انا مش كبير قوى..على فين
    اخوها:لف شمال ..لف يمين..ادخل الشارع ده شمال...بيت رقم 5...ايوة وصلنا اركن هنا تحت البلكونة
    ونزلو من العربية وطلعو بيت مش قديم قوى بيت عادى 6 ادوار فى حى مش شعبى اوى وطلعوا الدور الثانى لقوا باباها فاتح الباب دخل تامر على صالة مش واسعة بس العفش منظم فى الوش نيش كبير وعلى اليمين ترابيزة سفرة مدورة...ودخلة شمال انترية ومن جوة الانترية كان في اوضة تانية بس تامر ماشفهاش...
    باباها:اتفضل ..البيت مش قد المقام
    تامر:مقام ايه يا عمى احنا بقينا اهل
    مامتها جت وسلمت على تامر ؟؟؟طلعت شبه ماماتها...وبعدها دخلت ؟؟؟وقالت سلام عليكو
    تامر اول ما شافها قام واداها البوكية والتورتة والشيكولاته
    ماماتها:مكنش ليه لزوم
    تامر قعد مكسوف اصلوه اول مرة عريس وغمز حسام علشان يبتدى الكلام
    حسام:عمى احنا جايين نطلب ايد ؟؟؟ لتامر ..قولت ايه
    تامر: بص ياعمى انا عايز اجوز ؟؟؟
    باباها:بص يا بنى مش حاجة غريبة واحد مشهور زيك وتعتبر غنى عايز يجوز واحدة مطلقة وعندها ابن كمان
    تامر:يا عمى انا كنت فى الاصل ايه شاب عادى مستور زيكو وكنت عايش فى شقة تشبه دى بس ربنا فتحها عليا..انا عايزها هى وابنها ومعنديش اى مشاكل فى الحكاية ديه
    بص انا عندى شقة لسه ناقل فيها قريب انا وامى فى شيراتون المطار..وكل اللى حضرتك تطلبه
    دخلت؟؟؟ومامتها بالشاى والكيك
    ابوها:بص يا بنى كل الكلام اللى انت قولته كويس...وبالنسبة للطلبات انا مليش طلبات..وبالنسبة للست والدتك مش هتعيش معاكو برده ..؟؟؟قالت كده
    تامر بص ل؟؟؟باستغراب) افهم من كده يا عمى ان حضرتك موافق
    ابوها:على بركة الله
    تامر: والمهر والشبكة والمؤخر والحاجات ديه
    ابوها:الشبكة هديتك ليها ..والمهر انت بتقول عفشك جديد يبقى ملهوش لازمة..والمؤخر ملهوش لازمة..اهم حاجة عندى تبقى هى سعيدة وابنها سعيد
    تامر:انا هاحطه فى عنيا هو فين
    ؟؟؟:نايم
    تامر:عمى ممكن ننزل نجيب الشبكة بكرة ونلبسها بعده
    ابوها:على طول كده
    تامر:خير البر عاجله
    ابوها بص لماماتها وبص لاخوها
    ابوها:نقرا الفاتحة
    وقعدو كلهم يقرو الفاتحة

    الحلقة الثامنة عشرة (يا دبلة الخطوبة)


    تامر روح البيت فرحان جدا واول ما دخل البيت ماما استقبلته بلهفة
    تامر:السلام عليكم ورحمة الله
    ماما:وعليكم السلام ورحمة الله وبركاته..ها يا حبيبى مبروك مش كده
    حسام:ابوها راجل محترم جدا يا ماما
    وحكوا لها على اللى حصل
    ماما: طب عشر دقايق واحضر العشا
    تامر:لا يا ماما مش قادر...اكلنا ام على زى اللى انتى بتعمليها بالظبط
    حسام:انا هاروح بقى عايزين حاجة منى
    ماما:لا يا حبيبى سلم على العيال
    تامر:ربنا يخليك..بكرة الساعة واحدة فوت عليا علشان تيجى معايا وانا بشترى الشبكة
    حسام:ماشى سلام
    دخل تامر اوضته وطلبها على التليفون الارضى اصله خد النمرة من باباها
    تامر:الو...انتى قاعدة جنب التليفون
    ؟؟؟:اه مستنياك...وصلت بالسلامة
    تامر:اه...مبروك يا عروسة
    ؟؟؟:مبروك يا عريس
    تامر:قولى لى مين قال لابوكى ان امى هتعيش معانا
    ؟؟؟:انا طبعا مش لازم اقولهم كل حاجة
    تامر:طب هو احنا اكلمنا على الموضوع ده
    ؟؟؟:بص يا تامر اللى انا حاسيته ان ماما مرتبطة بيك جدا وانت كمان متقدرش تستغنى عنها
    تامر: (فرح لاهتمامها بامه) طيب بكرة ان شاء الله هننزل نشترى الشبكة
    ؟؟؟:ما كفاية دبلة وخلاص
    تامر:لا يا حبيبتى انا عايزك تجيبى كل حاجة نفسك فيها..مستورة الحمد لله
    ؟؟؟:مش المسالة انت عندى بالدنيا
    تامر:ايوة طلعى الكلام الحلو...ومامتك رايها ايه
    ؟؟؟:مش مصدقه نفسها وفرحانة علشان شيفانى بطير من الفرح ان اخيرا لقيت راجل بجد
    تامر:هو فيه راجل كده وكده
    ؟؟؟:الراجل بجد هو الامان والحنان والدفا..واللى يحسس مراته انها الملكة المتوجة على عرش قلبه
    تامر:هى مامتك هتنزل معانا بكرة
    ؟؟؟:لا انا قلت لها سيبينى اعتمد على نفسى شوية
    تامر:انا هاسيبك علشان عندى شغل كتير قوى
    ؟؟؟:ماشى يا حبيبى...سلام

    تامر قعد يشتغل لغاية الفجر قام صلى ودخل ينام وصحى على صوت حسام
    تامر:ياه انا نمت كل ده
    حسام:ايه يا عريس ناموسيتك كحلى...ايه ده انت خلصت الشغل اللى متاخر...عفارم عليك
    تامر:انا هاجهز..قول لماما تحضر اللبن
    خرج تامر من اوضته وشرب كوباية اللبن(اصله عامل دايت)
    تامر:يلا يا حسام
    ونزلو وقرب ما يوصلو اتصل بيها علشان تستناه ولما وصل لقاها مستنياه وركبت العربية
    ؟؟؟:السلام عليكم..ازيك يا حسام (بدلع)ازيك يا تامر
    تامر وحسام ردو عليها
    تامر:على فين
    ؟؟؟:انا معرفش
    حسام:انا اعرف واحد فى ميدان الحجاز
    تامر:ماشى
    ولما وصلو استقبلهم الراجل صاحب المحل وجاب الساقع ..المهم العروسة اختارت حاجات بسيطة..لكن تامر كان بيبرق لها علشان تزود..المهم من هنا لهنا اختارت حاجات 15000 وتامر برده ماكنش راضى عن القيمة كان عايزها اغلى...المهم خلى الراجل يكتب الفاتورة باسمها وهى مقدرتش تعترض ..اصلى بينى وبينكو تامر شديد شوية والعرق الصعيدى لما يطلع
    وخرجو من المحل وركبو العربية بس حسام ركب ورا وهى جنب تامر
    ؟؟؟:عقبال سلمى يا حسام
    تامر:وانا اللى انقيها على مزاجى
    حسام:الله يخليكى...وربنا يتمم بخير
    تامر:انت هتروح البيت يا حسام
    حسام:لا نزلنى هنا وانا هاتصرف
    وبعد ما نزل حسام سالها
    تامر:هنروح فين..انا كل الاماكن اللى بقعد فيها بتبقى بعد الساعة 2 صباحا
    ؟؟؟بصت له وعنيها كلها شقاوة)
    تامر:انتى بتفكرى فى ايه
    ؟؟؟:عندى مكان انما تحفة
    تامربصلها بمكر)
    ؟؟؟:ليك فى البولينج
    تامر:اهه..بتسالى ليه
    ؟؟؟:ادخل على صلاح سالم...وحود على البانوراما ولف وراها
    تامر:قصدك البولينج بتاع القوات المسلحة..انتى عرفتيه منين
    ؟؟؟:جيته ايام الكلية مرتين تلاتة
    وصلوا عند البولينج وركنو العربية وقبل ما ينزلو
    ؟؟؟:هنشيل العلب فين
    تامر:حطيها فى اى حتة..العربية امان؟
    ؟؟:لا ما اضمنش
    تامر:فداكى اى حاجة
    بصت تحت الكرسى اللى قاعدة عليه وحطت العلب تحت الكرسى
    ؟؟؟:ها ايه رايك
    تامر:ماشى يا ستى انزلى بقى
    ودخلواالبولينج ولحسن الحظ تقريبا مكنش فيه حد الا العمال اصل ده وقت امتحانات ...ودخلو صالة البولينج
    تامر:هتلعبى
    ؟؟؟بفرح زى الاطفال)ايوة انت عارف انا ما لعبتش من امتى...من 7 سنين]
    ووقفوا قدام الكنتير بتاع الاحذية
    ؟؟؟:هو انت مقاسك 40
    تامر:عرفتى منين هو انتى جزماجى
    ؟؟؟:ده سر المهنة
    تامر:وانتى38
    ؟؟؟:لا 37
    الشاب اللى واقف سلمهم الجزم وابتدو يلعبو وخلص الجيم وكانو متعادلين
    تامر:تلعبى تانى
    ؟؟؟:لا كفاية انا تعبت قوى
    تامر:للعلم انتى بتلعبى حلو
    ؟؟؟:كنت بقلدك ...بعمل زى ما بتعمل
    تامر:علشان كده اتعادلنا
    وراحو الكافية
    تامر:تطلبى ايه
    ؟؟؟:برتقال فريش
    تامر:نس كافيه
    وقعدو على الترابيزة
    ؟؟؟:انا عايزة اقولك على حاجات مهمة قوى مدام احنا هنجوز
    تامر:اتفضلى انا سامعك
    ؟؟؟:اعتبرها شروط علشان الجوازة تتم
    تامر رفع حواجبه وبصلها

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:08 pm

    الحلقة التاسعة عشرة ( مقلب عسل )

    تامر رفع حواجبه وبص بركن عينه
    تامر:شروط...قولى انا سمعك
    ؟؟؟ابتسمت بشقاوة)متزعلش كده انا معرفتش اسميها ايه
    تامر:قولى ولخصى
    ؟؟؟:اول حاجة تفضل تحبنى طول عمرك
    تامر(اتنهد براحة وابتسم)اوعدك بس ده معتمد عليكى ..يعنى طول ما انت معايا على الخط حبك هيزيد انما لو...
    ؟؟؟:تانى حاجة انا مش عايزة يكون ليه اى علاقة بالميديا ووسائل الاعلام خالص وياريت الوسط الفنى كمان
    تامر:اومرك يا سيدتى...هو انتى قراينى كده على طول
    ؟؟؟:مش عارفة انا بحس بحاجات واقولها
    تامر:الا قولى لى انتى حفظتى كام جزء من القران
    ؟؟؟:11جزء
    تامر:والفقه والشريعة وصلتى فيهم لغاية فين
    ؟؟؟:انا لسه فى اول سلمة..بدليل انى قعدت معاك وكلمتك
    تامر:انا عايزك بجد تتدينى اكتر وتكملى دراسة فى الدين ومش عايزك تيسبيه لاى سبب
    ؟؟؟:حاضر..لو سمحت انا ليه رجاء
    تامر:اوامرك
    ؟؟؟:ممكن ابنى يقعد معانا لما نتجوز
    تامر:طبعا دى حاجة مفروغ منها...مقدرش احرمك منه
    ؟؟؟بصت فى الساعة)ياه انا اتاخرت قوى..انا لازم اروح علشان هانزل اشترى شوية حاجات
    تامر:يلا علشان انا كمان المفروض اروح للاستوديو
    ؟؟؟:ماشى
    وركبوا العربية وحطت ايديها تحت الكرسى يا خبر..............اقولكم بكرة اقابلكو

    مستنين ايه...والله مش عارفة اعمل معاكو ايه
    طبعا لقيت العلب بعد ما وقعت قلب تامر فى رجليه
    ؟؟؟ضحكت)الحمد لله اهم
    تامر:انا اتخضيت....هو انتى بتاعة مقالب
    ؟؟؟:انا قولت هاشوفك تعمل ايه
    تامر:ماشى جبتيه لنفسك...انتى اللى ابتديتى
    ؟؟؟:يلا نروح بقى
    تامر وصلها وروح على البيت علشان يغير وينزل على الاستوديو اصله عنده حفلة يوم الجمعة
    ولما وصل الاستوديو قال لميمى على ان خطبته بكرة وانه عايزه معاه وكمان اتصل بدكتور محمود علشان يجى معاه وبعدين قعد اشتغل لغاية الصبح وروح البيت الساعة 10 ودخل ينام عى طول

    الحلقة العشرون(الجنـــــــــة)

    رجع تامر البيت الساعة 10 الصبح ياعينى دخل نام بهدومه..هتقولو هى ما تتصلش بيه ليه علشان هى بتحسه امتى هو تعبان وعايز يرتاح.....حسام اتصل على البيت الساعة 6مساء
    حسام: سلام عليكم يا امى
    ماما:وعليكم السلام يا حبيبى...انت هتيجى امتى
    حسام:لا انا هاخد ميمى ومحمود واروح على بيت العروسة
    ماما:واحنا..ده تامر لسه نايم
    حسام:صحيه يا ماما ميعادنا الساعة 7

    دخلت ماما وصحت تامر...يا عينى قام وجسمه مكسر ودخل الحمام وخد الشاور بتاعه وطلع لبس بدله بنى على تى شيرت اسود وخد ماما وطلع على العروسه....ولما وصل حسام اتصل بيه

    حسام:انت فين
    تامر:انا داخل الشارع بتاعهم ...وانت
    حسام:وراك

    وصلو الاثنين مع بعض وطلعوا والزغاريط اشتغلت وباباها ومامتها استقبلوهم وكانت موجودة خالتها واخوها وعمتها وزوج عمتها ودخلو قعدو..تامر كان عايز يسال على العروسة وفجاءة دخلت كانت لبسة فستان سواريه محتشم ومغطية شعرها وحطة ميكب بسيط...فى نظر تامر كانت احلى واحدة فى الدنيا
    سلمت على ماما ..راحت شداها وقعدتها جنب تامر..اصله عامل مكسوف
    تامر كان فرحان جدا اكنه عمره ما شاف بنات ..ازاى معرفش
    تامر:ما نسمع الفاتحة علشان ربنا يتمم بخير

    الكل رفع ايده وقرو الفاتحة..ومامتها جابت الشبكة..وابتدى تامر يلبس العروسة الشبكة مع تعليقات معلقين الحفلة ميمى وحسام ومحمود
    وبعد كده تامر استاذن والدها علشان يسهرو بره..الراجل رحب جدا بس على شرط يرجعوا الساعة 11
    وركب تامر ومعه؟؟؟.....وماما ركبت مع حسام
    وصلو عند مكان وفتح لها باب العربية ومسك ايديها (البنات تزغرط اخيرا مسك ايديها) يا جماعة تامر اللى كل البنات بتجرى عليه وتبوسة فرحان انه مسك ايديها...
    تعالو اقول لكم هما راحو فين هما راحو نايت كلب عزومة من حسام ,,,بس يا جماعة النايت كلي محجوز ليهم بس
    المتر كان مستنيهنم على الباب...واستقبلهم ورحب بتامر
    تامر دخل وشوش المتر وقاله حاجة

    تامر:تعالى نقعد
    ؟؟؟:هو فين الناس.....هو ده النايت كلب
    تامر:اه انت عمرك ما جيتيه
    ؟؟؟:بتفرج عليه فى التليفزيون
    المتر جاب تورتة شيكولاته وحاطط فيها شمعة واحدة بس
    ؟؟؟:ايه ده..هو عيد ميلاد مين
    تامر:ده عيد ميلادنا احنا الاتنين...احنا اتولدنا النهاردة
    ؟؟؟:يبقى ده سبوعنا
    تامر: يا خفة....بتبوظى اللحظات الرومانسية ليه....هو انتى غلسة
    ؟؟؟:لا والله...بس مش عايزة اندمج قوى علشان............كده يعنى...هو مفيش حد غيرنا
    تامر:خايفة
    ؟؟؟:لا وانا معاك بحس بالامان

    واشتغلت المزيكا هادية وناعمة وقامو وخدها فى حضنه وكل واحد فيهم كان سامع دقات قلب التانى وخلصت الموسيقى وهما برده لسه بيرقصو واشتغلت اغنية قرب كمان (هى كانت ناقصة قرب) ماقلوكوش كان الاثنين زى ميكونو متبنجين مش حسيين بحد ولا سبت ولا حسيين بالموسيقى اصلا (كفاية كده)
    لازم حد فيهم كان يفوق تامر فاق الاول ولقاها هى طايرة ومش معاه على الارض...سندها لغاية الترابيزة
    وشرب شوية مياه وراح بخهم فى وشها....انتفضت
    ؟؟؟:اشهد ان لا اله الا الله وان محمدا رسول الله
    تامر:حمد لله على السلامة......كنتى فين(مبتسما)
    ؟؟؟:كنت طايرة فوق السحاب ووصلت للجنة ودخلتها..يعنى لو مت دلوقتى
    تامر:يخرب بيت عقلك...انا قلت انتى مجنونة بس مش للدرجة ديه...لا لازم حد فينا يكون عاقل علشان المركب تمشى
    ؟؟؟:انت الريس العاقل
    تامر:انا تعبت من العقل وعايز اجنن شوية
    ؟؟؟:طب يا عاقل ممكن تروحنى علشان هنتاخر

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:09 pm

    الحلقة الحادية والعشرون ( احلى مفاجأة )

    وراحو على البيت (طبعا كل واحد على بيته) وكانو اسعد بنى ادميين فى الارض واتفقوا على ان تامر هيتصل بباباها ويحدد يوم الجمعة علشان يجو يشوفو الشقة وانه هيجى ياخدهم بالعربية الصبح
    ومر كام يوم وجه يوم الجمعة وفات عليهم واتفرجوا على الشقة ..وطبعا ماما كانت فى استقبالهم واتفقوا على شراء حجرة نوم جديدة للعرايس.....بس اختلفوا مين يجيب الاوضة وطبعا تامر كان مصر على انه يجيب هو الاوضة واتفقوا اخيرا على ان تامر يشترى الاوضة وباباها يفرشها وكمان وراهم حجرة انس ابنها واتفقوا على ميعاد كتب الكتاب بعد 15 يوم...والجواز لسه محددوهوش...ونزلوا باباها وتامر واخوها علشان يصلو الجمعة والستات قعدت فى البيت تعمل الاكل.....اصل هما هيتغدو عندهم
    وبعد الغدا تامر استاذن ابوها علشان يخرج معاها يوم الاحد الصبح علشان ميتاخروش ابوها وافق...وبعد ما روحت اتصل بيها

    تامر:الو يا احلى عيون
    ؟؟؟:الو يا احلى تمور
    تامر:انا محضرلك مفاجاتين
    ؟؟؟:ايه هما
    تامر:اولا احنا هنخرج يوم الاحد الصبح ...بس عايزك تلبسى حاجة واسعة وبنطلون
    ؟؟؟:ماشى والتانية
    تامر:انا هتصل بيكى النهاردة الساعة 12..وهاقولهالك
    ؟؟؟:انت مش عندك حفلة النهاردة
    تامر:اه
    ؟؟؟:طب خش ريح جسمك شوية علشان تعرف تسهر باليل

    تامر قفل وسمع كلامها ونام
    والساعة 12 باليل رن تليفونها...اه نمرة تامر بس ما قالش الو..سمعتو بيتكلم وفى دوشة كتيرة حواليه..اصله فى الحفلة وعلى المسرح كمان
    تامر:انا عايز اقولكم خبر (بيكلم الجمهور) قبل ما اغنى...انا خطبت وهاجوز احلى انسانة عرفتها(وابتدى يغنى يا بنت الايه)

    ؟؟؟كانت بتسمع ودموعها بتنزل منها قد كده بيحبها وقامت اتوضت وصلت ركعتين شكر لربنا وقعدت تستناه لغاية ما الحفلة تخلص وبعد الحفلة اتصل بيه

    تامر:سمعتى الاغنية..دى ليكى يا حبيبتى...مالك ما بترديش ليه
    ؟؟؟بتعيط)انا بحبك قوى...انا مش عارفة اقولك ايه ..انا...
    تامر:علشان خاطرى متعيطيش..انتى عارفة انى ممكن اجنن واجيلك دلوقتى واخدك فى حضنى
    ؟؟؟:انت وحشتنى قوى يا حبيبى
    تامر:الله...بصى احنا لازم نتجوز بسرعة
    ؟؟؟:انت هتودينى فين يوم الاحد
    تامر:نزلة السمان علشان انا بقى لى مدة كبيرة مركبتش حصنة
    ؟؟؟:طب انت وصلت البيت
    تامر:اه انا دخلت اهو..تصبحى على خير يا عمرى
    ؟؟؟:وانت من اهله يا عيونى

    الحلقة الثانية والعشرون( احلى مقـــــــلب )

    يوم الاحد جه...كانت منتظراه على احر من الجمر اتصلت بيه يومها الساعة 6.30 الصبح
    ؟؟؟:الو يا حبيب عمرى ..انت صاحى
    تامرنائم) ايوة يا حبيبتى...انا صحيت اهو
    ؟؟؟:صباح الفل..هاقوم اخد شاور واجهز..تحب احضرلك فطار علشان ناخده معانا
    تامر:احنا هنفطر هناك...فطار ملوكى....ويلا بقى علشان اجهز وقرب ماهوصلك هاتصل بيكى
    ؟؟؟:ماشى يا حبيبى...انا هاجهز واستناك
    تامر:ماشى سلام

    تامر اخد حمامه وجهز ونزل ولما وصل عند البيت اداها رنة..نزلت وركبت

    ؟؟؟:صباح الخير يا حبيبى
    تامر:صباح النور يا عمرى
    ؟؟؟:ميرسى على الحفلة بتاعتى
    تامر:الحفلة بتاعتك
    ؟؟؟:طبعا هو انت لما تقول للجمهور انك خطبت وتغنى لى كمان مش تبقى بتاعتى
    تامر:يا حبيبتى مالقيتش هدية احسن من كده
    ؟؟؟:يا حبيبى يا تامر
    تامر:مفيش اى حاجة كده على الطاير
    ؟؟؟وشها احمر)لا لما نكتب الكتاب
    تامر:ماشى

    ووصلو نزلة السمان وركن تامر العربية ونده على عم صالح المسئول عن الاسطبلات هناك وسلم عليه ووصاه على حصانين بس وشوشة على جنب...عم صالح غاب شوية وجه معاه الحصانين تامر ساعد؟؟؟ على الركوب ورفعها على الحصان مع اانها مكنتش محتاجة مساعدة بس نقول ايه فى التماحيك وركب هو كمان على الحصان بتاعه..ومشوا فى امان وفجاءة تامر ضرب الحصان بتاعها جامد علشان يجرى بيها..اصلو كان عايز يردلها المقلب..وبصراحة هو ماسبهاش جرى وراها بحصانه بس لما قرب منها شاف على وشهها خوف..كانت خايفة تقع
    تامر:انت خايفة
    ؟؟؟:تامر وقف الحصان انا هاقع..انا مبعرفش اوقفه
    تامر:بتضحكى عليا

    وفجاءة لقاها مالت شوية..بس بصراحة كانت مثابرة فضلت ماسكة شعر الحصان
    هتقولو تامر فين ..لحقها ومسكها من وسطها وحطها قدامه..هما الاتنان على حصان واحد
    ياه تامر كان هيموت من الفرحة اهى فى حضنه تانى يا سلام...كانت فى حضنه بس بتعيط وقف تامر الحصان ...صعبت عليه قوى ...ضمها لصدره قوى ورفعت عنيها وبصت له بعتاب
    ؟؟؟:كده انا كنت هاموت
    تامر:بعد الشر عليكى يا حبيبتى...كده احنا خالصين...بصراحة متهيئلى اعمل فيكى كده كل يوم علشان ماتبعديش عن حضنى
    خبطته على صدره ونزلت من على الحصان نزل وراها ومسك كتفها
    تامر:ايه بقى متزعليش...مكنتش اعرف انك مبتعرفيش تركبى خيل
    ؟؟؟:انا قلت لك انا بحبهم بس

    تامر لفها وضمها لصدره قوى(يا جدعان حد ينده ابوها من على القهوة) وركبوا الحصان اللى فاضل بس هى ركبت وراه وحضنته قوى (قال ايه خايفة) فرصة بقى
    ووصلوا الاسطبل لقوا الحصان بتاعها رجع وعم صالح محضر الفطار الملوكى (فول وطعمية وبصل اخضر وبطاطس مقلية وسلاطة بلدى) وقعدو يفطرو مع بعض ويأكلو بعض
    وبعد الفطار اتمشو شوية فى الصحرا سما ورملة صفرا...رومانسية يا جماعة
    ورجعوا للعربية وقبل ما يركبو
    ؟؟؟:ما تيجى تعلمنى السواقة
    تامر:ماشى..بس هتسمعى كلامى
    ؟؟؟:ايوة طبعا
    وخدت منه المفاتيح وركب جانبها وابتدى يشرح لها وقبل ما يخلص كلامه....طلعت بالعربية ولا احسن سواقه..يا خبر قدامها واحد كانت هتشيله وعلى اخر لحظة حودت
    تامر دمه هرب...ووشه اصفر...هى ضحكت عليه..تامر غضب بس كتم غضبه ..هى لما شافت عينيه رمت نفسها فى حضنه
    تامر:انتى مجنونة كنتى هتموتى الراجل
    ؟؟؟:معلش يا حبيبى..واحدة بواحدة
    تامر:عايزين نتفق اتفاق نبطل مقالب فى بعض لمرة تقلب غم واحنا مش ناقصين
    ؟؟؟:امرك يا حبيبى
    تامر:بس انتى بتسوقى حلو
    ؟؟؟:مش قلت لك حاولت اتعلم قبل كده...يلا تعالى مكانك
    تامر:ماتكملى
    ؟؟؟:لا يا سيدى...ربنا يخليك ليا وتفضل سايق بيه على طول
    تامر:ربنا يخليكى ليه يا احلى هدية من ربنا (وبسها على جبينها)

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:13 pm

    الحلقة الثالثة والعشرون (الله عليك)
    الناس اللى بيعتبوا عليا علشان تامر باس عروسته على جبينها..يا جماعة ده راح لابوها وخطبها ووقف فى حفلة وقال للشعب العربى كله اكتر من كده اشهار وعموما النهاردة هنكتب الكتاب علشان منزعلش اى حد

    وصلها لغاية البيت واتفقوا انهما هينزلو الساعة 7علشان يشتروا شوية حاجات...تامر روح على البيت خد شاور ودخل ينام ووصى ماما تصحيه على 5.3...ولما صحى اتغدى وصلى واتصل بيها بس كانت نايمة وصحيت على تليفونه
    ؟؟؟:الو..ايوة با تامر
    تامر:انتى لسه نايمة...يا خم النوم
    ؟؟؟:عقبال ما جهزت الغدا ونامت كانت بقيت الساعة 4...وعموما انا قمت اهو
    تامر:هافوت عليكى كمان شوية....هارن عليكى تقومى تنزلى
    ؟؟؟:ماشى..سلام
    وفعلا الساعة 7 لقيته بيرنلها..نزلت وركبت معاه
    ؟؟؟:ازيك يا حبيبى...هنروح فين
    تامر:هنشترى شوية حاجات
    وراحو على بوتيك من اشهر البوتيكات ودخلوا وراحو قسم السورايهات والتيرات..واختار لها تيير لونه بيج
    تامر:ادخلى قيسى ده
    دخلت قاسته وكان يجنن عليها
    ؟؟؟:ايه رايك
    تامر:مانيكان يا خواتى
    ؟؟؟:بجد حلو..هو ده بمناسبة ايه
    تامر:هياكل منك حتة..ده علشان كتب الكتاب
    اشتروه وتامر دفع تمنه وسال على قسم الاطفال واختار طقم لابنها كمان...بصت له وكان نفسها تترمى فى حضنه...قد ايه هو حنين...وخرجو من المحل وركبو العربية
    تامر:انا عايزك تجهزى لكتب الكتاب....ايه رايك فى مسجد الشرطة
    ؟؟؟:اللى فى صلاح سالم
    تامر:انا مسافر بكرة..بس هخلى حسام يوضب لكتب الكتاب ويتفق مع مهندس الديكور علشان اوضة النوم
    ؟؟؟:مسافر..ليه وفين
    تامر:عندى باقى تصوير الفيلم فى العين السخنة
    ؟؟؟:امرك يا حبيبى
    تامر:تعالى علشان نختار اوضة النوم
    ؟؟؟:دلوقتى
    تامر:تحبى نشتريها منين
    ؟؟؟:عندك مفكو او امريكن فرنتشر
    تامر:اى حاجة
    ؟؟؟:طب حود على مصطفى النحاس هنلاقى فرعين جنب بعض
    ودخلو امريكن فرنتشرونقوا حتة اوضة نوم انما تهبل تامر دفع الفلوس واتفق معاهم علشان يوصلوها الشقة بعد 15 يوم...ووصلها لغاية البيت
    وتانى يوم سافر العين السخنة وكل يوم قبل ما ينام يكلم ماما وبعدين يكلم؟؟؟
    ماما كانت بتقوله ان؟؟؟كل يوم تيجى تطمن عليها وتفضل قاعدة معاها....؟؟؟كانت بتقوله على الحاجات اللى بتعملها فى اوضة النوم ..وانها خلاص حجزت المسجد لكتب الكتاب
    هتقولو فين الصحافة...ده تامر يا جماعة طبعا الصحافة كانت هتجنن مش عارفيين ياخدو اى حاجة من تامر غير انه قال انه هيجوز واحدة من خارج الوسط وان الجواز قريب ان شاء الله
    تامر خلص تصوير بعد12 يوم ورجع من السفر..بس يا عينى رجع على الاستوديو علشان يسجل اغنيتين فاضلين فى الشريط الجديد
    وجه يوم الخميس تامر وحسام فاتو عليها هى وباباها واخوها وخدوهم للماذون علشان يخلصوا الاجراءات والقسايم كانت ناقصة على الشهود فقط
    وتانى يوم اللى هو الجمعة اعلن كتب الكتاب وكان حاضر عائلتها فقط وبابا تامر وماماوحسام وبعض الاصدقاء المقربين

    الحلقة الرابعة والعشرون(بين شطين وميه)
    ازيكو يا احلى لفرز....عايزاكو تعرفو قد ايه انا بحبكو قوى..النهاردة حلقتين وانشالله محد حوش
    طبعا انا معاكو فى العيد والفرح....بس مستنية المفاجأة...اصلى بعمل حتة مفاجاة..هتعرفوها مع حلقة الفرح...رغينا كتير ...الحلقة بقى......الناس الرومانسية تقرب هنا وغير كده لا...

    بعد كتب الكتاب اتفقوا انهم هيقضوا اليوم مع بعض فى مكان ما مفاجاة...كل واحد فيهم روح بيته بس ماسبوش بعض كانو مع بعض..كانو بيحلمو مع بعض فى حضن بعض...كانو دايبين ..يا سلام على الحب
    طلع الصبح وقامو هما الاثنين فى نفس الوقت الساعة 6 واتصل بيها

    تامر:صباح الفل يا ست الكل
    ؟؟؟:ست الكل انا
    تامر:طبعا انتى...ست قلبى..ملكة قلبى..
    ؟؟؟:يا حبيب عمرى...انا جهزت خلاص
    تامر:وانا كمان..انا نازل وهرن عليكى
    ؟؟؟:فوت على البيت ..علشان معايا حاجات
    وصل تامر لبيتها ورن لها ..نزلت ومعاها شنطتين هاند باج
    تامر:انتى هتروحى معايا..ولا ايه
    ؟؟؟:لا يا حبيبى...هو احنا هنروح فين
    تامر:الجنة
    ؟؟؟:الجنة؟
    تامر:استنى وهتشوفى
    تامر ساق العربية لغاية الفيوم وفى وادى الريان وقف
    تامر:وصلنا
    نزلت من العربية مبهورة بسحر المكان ..الالوان المياة والرملة والخضرة والسما..صحيح الجنة
    بصت له وعنيها كلها شقاوة
    ؟؟؟:انا عايزة انزل الميه
    تامر:يا مجنونة ..بس انا مش عامل حسابى
    ؟؟؟:انا بقى عملت حسابى (وفتحت شنطة من الشنط وطلعت تى شيرت وشورت)
    تامر:انتى مجنونة..طب انا ممكن اغير فى العربية ..وانتى
    ؟؟؟:انا عملت حسابى(فتحت زراير الجلباب وكانت لبسه تحته بلوزة طويلة وبنطلون)
    تامر قعد يضحك عليها ودخل العربية علشان يغير ..هى سبيته وجريت على الميه زى العيال...نزل تامر الميه وقعدوا يلعبوا..مرة يغطس ويشقلبها فى الميه..ومرة يشيلها ويرميها..وقعدوا فى المياه حوالى ساعة..الوقت جرى بيهم مخرجوش الا علشان ياكلو..بس الدنيا برد..لازم يغيرو هدومهم المبلولة
    ؟؟؟:انا فكرت فى كل حاجة الا الحمام..هنعمل ايه
    تامر:تعالى...هاتى الهدوم وتعالى ورايا..انتى جيبتى فوط
    ؟؟؟:طبعا..احنا رحين على فين بالمنظر ده
    تامر:فيه حمام عمومى هناك..هنمشى شوية..اهو..بس يارب يكون فاتح
    وفعلا لقاه مفتوح والرااجل بينظفه
    تامر:السلام عليكم..ازيك يا عم..
    الراجل:استاذ تامر اهلا وسهلا..عم احمد
    تامر:اهلا بيك..هو الحمام شغال
    الراجل:وحتى لو مش شغال..نشغله
    تامر:ادخلى انتى الاول خدى حمامك
    طلع فلوس وادها للراجل وقعد يكلم معاه عقبال ما تخرج...وطلعت من الحمام بالجلباب والخمار..تامر دخل علشان ياخد حمامه ولما خرج لقى ؟؟؟جابت للراجل اكل
    الراجل قعد يدعى لهم ان ربنا يتمم بخير..علشان عرف من تامر ان هما مكتوب كتابهم
    وراحو قعدو جنب العربية وطلعت من الشنطة التانية الاكل ..بيتزا بالجمبرى..وعصائر وقعدوا ياكلو
    تامر:انتى عارفة انا بقالى قد ايه متفسحتش كده..ولا ضحكتش كده
    ؟؟؟:الله اكبر انت هتحسد نفسك على الضحكة...والله لو المعجبين يعرفو اقد ايه انت بتتعب علشان تبسطهم كانو
    تامر:انا ببقى سعيد لما بشوف الفرحة فى عينيهم....بقول لك ايه..انا جى لى عقد رحلة اغنى فى فرنسا حفلتين وبعد كده انزل على الجزائر وتونس والمغرب ايه رايك لو نتجوز فبل الحفلات واخدك نقضى شهر العسل فى باريس
    طبعا وافقت على كلامه..وقامو علشان يروحو..اصل اليوم جرى بسرعة

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:14 pm

    الحلقة الخامسة والعشرون(وحشتنى قوى)

    وهما راجعين من الفيوم وقفوا فى استراحة واشتروا شيكولاته كتير...وطول الطريق بياكلو فيها..اصلهم بيموتو فيها..ووصلها لغاية البيت وطلع معها علشان يتفق مع باباها على ميعاد الفرح....انس ابنها هو اللى فتح الباب واول ما شاف امه اترمى فى حضنها..ولما شاف تامر.تامر شاله وباسه على خده واداه شيكولاته..الولد فرح بالشيكولاته...تامر اتفق ان الفرح يكون بعد 10 ايام
    تامر روح البيت على طول ودخل على السرير عدل ونام لتانى يوم الصبح واتصل بيها الساعة 11

    تامر:صباح الخير
    ؟؟؟:صباح النور..انت لسه نايم
    تامر:جهزى نفسك علشان ننزل نشترى فستان الفرح
    ؟؟؟:ماشى انا مستنياك
    تامر فات عليها..وراحو عند هانى البحيرى المصمم المعروف ودخل له تامر الاول
    تامر:ازيك يا هانى
    هانى:اهلا وسهلا,,,مبروك يا عم سمعت انك هتجوز...احنا مش معزومين ولا ايه
    تامر:طبعا معزوم....بس عايز منك خدمة
    هانى:تأمر
    تامر خرج ونادى عليها
    تامر:خطيبتى...ممكن نلاقى عندك فستان فرح حشمة
    هانى بص لها من فوق لتحت
    هانى:هو حضرتك مقاسك كام
    ؟؟؟:42
    هانى:تبانى اكتر من كده...لحسن الحظ عندى فستان ممكن بعد التعديل يبقى حشمة(ونادى على السكرتارية وفعلا السكرتارية جابت شوية صور لفساتين تهبل..بس هى وتامر اختاروا واحد واستقرو عليه
    هانى:عايزاة امتى
    تامر:يا ريت دلوقتى..بس ممكن بعد 5 ايام
    هانى:5ايام بس...انا عايز اسبوع
    تامر:ماشى
    ونزلو من عند هانى..ورن موبيل تامر..اصل ده نمرة خصوصى حسام واصحابه بس هما اللى عارفين النمرة
    حسام:ايه يا تامر..انت فين...بقالى كام يوم مش عارف اعتر عليك
    تامر:فى ايه يا حسام
    حسام:السبكى قالب عليك الدنيا
    تامر:ليه احنا مش خلصنا
    حسام:لا عايزك فى العين السخنة بكرة..ياريت دلوقتى..هو انت فين
    تامر:قابلنى فى اول مصر الجديدة..الكافية اللى احنا بنقعد عليه
    تامر اخد ؟؟؟ راحو الكافية واستنو حسام
    تامر:ايه رايك نعمل الفرح فين
    ؟؟؟:انا عايزاه فى مكان مفتوح
    تامر:ازاى يعنى..فى جنينة
    ؟؟؟:بص يا تامر انت حبايبك كتير وتقريبا جاملت الوسط كله..والناس ماشاء الله هيبقو كتير..وانا بصراحة بتخنق من الزحمة
    تامر:عندك حق..حسام جه..ازيك يا حسام
    حسام:السلام عليكم..ازيك يا؟؟؟..عامل ايه يا تامر
    تامر: كويس..حسام انت عرفت انى حددت الفرح بعد 10 ايام
    حسام:ماما قالت لى..بس انت مسافر بعد 10 ايام
    تامر:مانا هاعمل شهر العسل فى فرنسا ونلف بقى..المهم احنا اتفقنا نعمل الفرح فى الهواء الطلق..فشوف اوتيل واحجز الجنينة بتاعته
    ؟؟؟:ايه رايكو فى موفنبيك المطار..اهو جنب المطار
    تامر:دى فكرة كويسة...حسام شوف موضوع الفرح واعزم الناس عقبال ما اشوف السبكى واخلص الفيلم ده..
    تامر وصلها للبيت وطلع على السبكى فى العين السخنة...حسام راح على الاوتيل وحجز الجنينة واتفق على كل حاجة معاهم..
    اما العروسة فكانت كل يوم عند ماما فى الشقة بتفرش الاوضة وتوضب لتامر اوضة الشغل بعد ما نقلت الجوايز وتذكارات المعجبات وفرشتها علشان تامر يكمل فيها ما تبقى له من ايام العزوبية
    تامر رجع رابع يوم ودخل بحكم العادة على اوضتة القديمة لقى ؟؟؟ وقفة على السلم بتعلق الستارة ..كانت لبسه بنطلون جينز وتى شيرت كان اول مرة يشوفها كده..دى بشعرها شعرها ناعم بس مش طويل كاريه وكانت عاملاه ديل حصان
    ولما دخل الاوضة محستش بيه..اصلها كانت بتفكر فيه...قرب منها وهى دى...اتخضت ووقعت من على السلم يا خبر...تامر هنا يا جماعة شلها بين ايديه وخدها فى حضنه ولف بيها الاوضة
    ؟؟؟:وحشتنى ..وحشتنى قوى
    تامر:وانتى كمان وحشتنى قوى قوى
    ؟؟؟:اوعى تغيب عنى تانى..كده طول مانت مسافر متكلمنيش
    تامر:اعمل ايه كنا شغالين 20 ساعة يدوبك كنت برتاح ساعتين تلاتة
    ؟؟؟:ايه رايك فى الاوضة
    تامر:تجنن..ما تيجى نجربها
    ؟؟؟جريت وخرجت بره الاوضة..
    ؟؟؟:انا هاجهز لك الحمام
    تامر اتفرج على الاوضة ودخل اوضة انس ابنها لقاها اتفرشت شكلها بقى حلو
    وماما فين...اصلها كانت بتصلى..دخل عندها لقاها خلصت وباس راسها
    تامر:ازيك يا حبيبتى عاملة ايه
    ماما:كويسة يا حبيبى..شكلك تعبان قوى
    ؟؟؟خبطت على الباب) تامر الحمام جاهز..ماما احنا هنتغدى مع تامر..تامر ماما طول مانت مسافر مكنتش بتاكل كويس
    تامر:ليه كده انتى عايزة تقلقينى عليكى..لا يا بطة لازم تاكلى..؟؟؟حضرى الغدا
    تامر طلع من الحمام لقى السفرة جاهزة وقعدو كلهم ياكلو

    الحلقة السادسة والعشرون (استعدو)

    تانى يوم راحت ؟؟؟هى ومامتها علشان يكملوا الحاجات الناقصة
    تامر كان قاعد فى اوضة الشغل وكان يلعب علي الجيتار ااصله كان و...دخلت ؟؟؟وسلمت عليه
    تامر:انتى عارفة انتى لغاية دلوقتى ماقلتليش غنى
    ؟؟؟:انا كان يهمنى اسمعك وانت بتتكلم..انما الغنى سمعتوا كتير
    تامر:بس انا نفسى اسمعك وانتى بتغنى
    ؟؟؟:طب ليه كده..انت مش عايز تكمل
    تامر:علشان خاطرى...غنى اى حاجة
    ؟؟؟ابتدت تغنى تلات سلامات وكانت بتئديها حلو قوى..جت ماما على صوت الغنا..ووقفت على الباب وبعد ما خلصت صفقت لها
    ماما:ياه انتى صوتك حلو
    ؟؟؟:ربنا يخليكى يا ماما ...ده بس علشان فرحانة
    تامر:المفروض اعملك شريط
    ؟؟؟:يا عم هى الناس ناقصة..ما كفاية اللى بيغنو
    حسام وصل ورن الجرس؟؟؟راحت فتحت له
    ؟؟؟:ازيك يا حسام
    حسام: الحمد لله..فين تامر
    ؟؟؟:هنا اهو
    حسام:ازيك يا عريس
    تامر:الحمد لله..تعالو احكولى على ترتيبات الفرح
    حسام و؟؟؟ قعدو يحكوا له على التفاصيل
    حسام: مراتك دى مجنونة...عايزة تعمل شوية حاجات تجنن
    وقعد حكى له هى عايزة تعمل ايه..تامر قعد يضحك
    تامر:هو ده اللى فى دماغى..برافو عليكى
    ؟؟؟:حسام انت جبت الكاتلوج علشان ينقى بدلة
    تامر:اخ انا نسيت حكاية البدلة
    حسام:هى افتكرت..انا فوت على ريمون واختارنا لك كذا بدلة..وهانفوت عليه بكرة علشان تختار واحدة
    تامر:وفستان الفرح
    ؟؟؟:انا اتصلت بهانى وهاروح بكرة انا وماما علشان يشوفه عليا
    تامر: وانا
    ؟؟؟:لا قالوا فال وحش ان العريس يشوف العروسة بالفستان قبل الفرح
    تامر:والماكيرة
    ؟؟؟:حسام ودانى سنتر فى اخر مصر الجديدة واتفقت معها على كل حاجة..انا قايمة اشوف ورايا ايه..اعملكو نس كافية
    تامر:ايوة (قعد مع حسام يتكلمو عن الدى جى والتصوير والعربيات والبودى جاردات والمعازيم )
    تامر:بعت الدعاوى كلها
    حسام:ايوة كله وصلته الدعوة
    ؟؟؟جابت النس كافية ولقيتهم بيلعبوا بلاى ستيشن ...بيلعبو كرة قدم ..وطبعا تامر اللى غالب...شوية جت ونادت على حسام علشان ماما عايزاه
    تامر:ماتيجى تلعبى معايا
    ؟؟؟:بس براحة عليا انا مبعرفش العب
    شوية وحسام جه
    حسام:ها مين اللى غلب
    تامر:هى طبعا..مع انها مبتعرفش تلعب
    وقعدو يضحكو
    وتانى يوم هو راح اشترى البدلة وهى استلمت الفستان
    واقابلكو فى الفرح

    mena@tamer
    عضو V.i.p
    عضو V.i.p

    انثى
    الميزان
    عدد المشاركات : 236
    تاريخ الميلاد : 23/09/1993
    العمر : 23
    الموقع : a7latimez
    العمل/الترفيه : طالبه
    المزاج : رايقه على الاخر
    تاريخ التسجيل : 28/05/2009

    default رد: مسلسل الحقو تامر حب واجوز يا جماعة ...كله

    مُساهمة من طرف mena@tamer في الثلاثاء يونيو 02, 2009 8:16 pm

    الحلقة الاخيرة(الفرح اهو يا ولاد)

    طبعا قبل الفرح بيوم كانت الحنة فى شقة حسام وكانت؟؟؟حاضرة هى واخوها وكان فيها صحاب تامر المقربين وبعض اصحاب تامر الممثلين كلهم قعدو يغنو ويرقصوا ولما حبو ان العروسة ترقص دخلوها اوضة وقفلو عليهم الباب ..عارفين طبعا ان تامر حمش ومعندوش حريم ترقص..بس هو اتسحب ودخل يتفرج على العروسة ...وكانت بترقص ايه ولا دينا فى زمنها...
    العروسة سبتهم فى نص السهرة وروحت وطبعا تامر كمل معاهم...وبعد كده روح علشان يرتاح شوية
    ويوم الفرح الصبح فتح عينيه الساعة 8 الصبح ..واول حاجة عملها اتصل بيها

    تامر:صباح الخير يا احلى عروسة..انتى لسه نايمة
    ؟؟؟:صباح الفل...قولى انتى لسه مانمتش..انا مانمتش من امبارح
    تامر:ليه يا حبيبتى..كنتى بتفكرى فى ايه
    ؟؟؟:طبعا فيك..مش عارفة انام..يمكن من السعادة اللى انا فيها..ويمكن خايفة ليكون حلم واصحى منه
    تامر:لا يا حبيبتى دى حقيقة ان شاء الله..خشى نامى بقى..وانا هاصيحكى على 11..ماشى
    ؟؟؟:ماشى

    تامر فضل قاعد فى سريره مش عارف ينام ..هو كمان مش مصدق نفسه فرحان قوى..معقول هتجوز النهاردة وهلاقى حضن يضمنى ويخبينى من الزمن..وهيكون لى عيالة وعيال يكبرو حواليا..ياه الكلام ده اتاخر قوى..تامر بص فى ساعته لقاها 11..ياه لو الوقت يجرى كده..واتصل بيها تانى

    تامر:انتى صحيتى
    ؟؟؟:ايوة يا حبيبى
    تامر:طيب جهزى نفسك علشان حسام هيفوت عليكى علشان تروحى السنتر
    ؟؟؟:حاضر..انا فعلا ورايا حاجات كتير النهاردة
    تامر:انتى هتخلصى على كام
    ؟؟؟:على 5 ان شاء الله
    تامر:ماشى هتلاقينى عندك 5 بالظبط ان شاء الله..وانا كمان هاقوم اجهز نفسى
    تامر خلص تليفونه معاها واتصل بحسام
    تامر:الو ايوة يا حسام..انت فين
    حسام:يا حبيبى انا فى العربية..وخلاص داخل على بيت ؟؟؟...وهاوصلها واجيلك
    تامر:وصيت على الورد وبوكية العروسة
    حسام:هافوت عليهم وانا جيلك..متقلقش على حاجة..ده فرح اغلى انسان عندى..انت مش ابنى ولا ايه
    تامر:ربنا يخليك ليا يا حسام..واتعب لك يوم فرح عيالك
    حسام وصل تحت بيت؟؟؟ ورن لها ونزلت وركبت العربية
    ؟؟؟:سلام عليكو
    حسام: وعليكم السلام..ازيك يا عروسة..يلا بينا

    وصلها لغاية السنتر وطلع معها وخلص حساب السنتر وسابها علشان يروح لتامر
    طبعا عارفين العروسة بتظبط ازى يوم فرحها ودى ايه مش اى عروسة دى عروسة تامر ..ونور عينيه
    تامر ابتدى يلبس الساعة 3.30 وكان معاه د.محمود وميمى ورومير واحمد زاهر وطبعا حسام وطبعا عارفين الصحاب واللى بيعملوه فى اى عريس..كانت مسخرة
    القافلة تحركت..وانا اعنى فعلا قافلة ..اصل العروسة طلبت انها تتزف فى عربية سبور حمرا وطبعا بما ان العربية مكشوفة فلازم اجراءات امن مشددة...عربية تامر فى النص بيسوقها حسام..وحواليه 4 عربيات شروكى فيهم البودى جارد وقدامهم عربية التصوير اصل الاحداث ستبث مباشر فى الفرح والناس كلها هتتفرج لحظة بالحظة ووراء القافلة ميمى سايق العربية وفيها ماما ومرات حسام والاولاد ووراهم عربيات الاصدقاء
    تامر وصل للعروسة الساعة 5.10 ونزلت العروسة تامر فضل مبحلق فيها ..ايه ده كانت مخبية كل ده فين..كان منبهر بجمالها اللى ظهر فجاءة..تقريبا كل الستات يوم فرحهم بيبقوا حلوين قوى...هو كان بيحب روحها قوى ..بس دلوقتى كله بالنسبة ليه مبهر جدا
    وصلو الاوتيل ودخلو على قاعة التصوير..كل ده والمعازيم شايفنهم على البروجيكتور....واتصور صور الزفاف..وطبعا تامر عامل عمايله وهو بيصور..بس لما خروجو من التصوير الصورة اختفت من الشاشة
    واعلن ياسر الحريرى ان العريس وصل وهتبدى الزفة...فين العريس يا جماعة ..والتصوير وقف ليه
    دخل تامر والعروسة راكبين حصان ابيض ونزلت مزيكا وابتدت الصورة ترجع تانى..المعازيم كلها وقفت وصفقوا ليهم ..اكنهم دخلين او جيين من الجنة...فنانين مصر كلهم كانو فى الفرح...العريس نزل ونزل عروسته ووقفو على البست ورقصو على اغنية قرب كمان ..ماكنوش حاسين بالناس اللى حواليهم كانو هما الاتنين بس..كان ضاممها لصدره قوى..نفسه يخبيها مش عايز حد يحس بجمالها غيره..كان وشه كله حب...الاغنية خلصت وياسر على الدى جى بارك للعروسين..واده لتامر الميك علشان بيتدى الغنى..غنى الله يبارك لى فيك....ويا تاعبنى وهى دى وكان بيرقص معاها..العروسة طلعت اجرام...الناس كلها كانت منبهرة بيها وتامر نفسه كان شايفها جديدة عليه...وحمادة هلال غنى ومحمد منير وفواد وشذى وسعد كاريكا وشيرين مش عايزة انسى حد...والمفاجاءة عمرو دياب وصل الفرح وغنى لتامر وماله وعايش واغانى تانية والعروسة طلبت منه يغنى حبيبى
    وكان تامر فرحان وبيرقص مع عروسته وماما وباباه واخوه وباباها واخوها كل الناس كانت بترقص
    والمفاجاءة باباه قام وغنى لتامر مال القمر واتامر قعد يصفقلو
    وجت التورتة كانت على شكل قلب وكانت اربع ادوار..وابتدوا يقطعو التورتة..واكلها فى بقها وهى كمان..وطبعا عارفين الباقى الناس كلها صفقت لتامر وهيصوا..اصله خدها كده على الطاير
    العروسة ريحت شوية فى الكوشة..تامر قعد يرقص مع اصحابه وحبايبه...وبعد البوفية كل الناس اتصورت مع العريس والعروسة
    الفرح خلص الساعة 9 والعرايس طالعين السويت بتاعهم الكل غنى اتمخترى يا حلوة يا زينة...تامر سلم على ماما وبابا وكمان العروسة سلمت على ماما وبابا
    تامر وصى حسام علشان الاوتيل يطلعوا الفطار الساعة 10الصبح علشان الطيارة الساعة 1ولما وصل قدام الجناح بتاعه شال العروسة ودخل برجله اليمين...ولقى الجناح مليان ورد والعشا متوضب على الترابيزة وكمان كوباية البن...تامر كان فرحان لدرجة ان قلبه هيوقف من الفرحة
    تامر:لبن ..ليه
    ؟؟؟:علشان دنيتنا اللى بعد كده تكون زيه..دى سنة
    تامر شرب وهى شربت وراه
    ودخلو الاوضة..بص لها بحب وقلعها الطرحة والحجاب وملس على شعرها وضمها لصدره قوى
    غيرو هدومهم وصلو ركعتين شكر لله
    يا سلام على الحب لما بدايته تكون جواز...مش هاقول نهايته لا بدايته
    وعلى الفجر تامر صحى على نهنهة عياط مكتومة خرج بره اوضة النوم لقاها قاعدة بتقرا قران وبتعيط وبعد كده قعدت تحمد ربنا وتشكر فضله...سابها ودخل يكمل نومه وشكر ربه على نعمته عليه...وصحى بعد ساعة لقاها قاعد بتتملى فيه
    تامر:انتى منمنتيش ليه
    ؟؟؟:عايزة افضل ابص لك طول عمرى..حاسة انى اول مرة اشوفك
    تامر:يا حبيبتى لازم تنامى
    تامر خدها فى حضنه...وهى كانت مستخبية فى حضنه زى البيبى
    تامر صحى على خبط على الباب..لاقى الروم سيرفس جايب الفطار ووراها حسام وميمى ورومير
    حسام:مبروك يا عريس..انت لسه نايم
    تامر:يلا يا بنى انت وهو..استنونى تحت
    رومير:ماشية معاك يا عم...ايه رايك فى الجواز
    تامر:هقولك لما انزلك
    وقفل فى وشهم الباب..ودخل علشان يصحيها..الله دى نايمة زى الاطفال...سرح شعرها بايده وباسها..فتحت عينيها بكسل
    ؟؟؟:صباح الورد يا حبيبى
    تامر:صباحك بلون الحب..معقولة انا هاصحى كل يوم الاقى الملايكة نايمة جانبى..يلا نفطر ونجهز علشان ننزل
    ودخل الحمام علشان ياخد شاور ولما طلع لقاها موضبة الفطار على الترابيزة..دخلت غسلت وشها وخرجت تفطر معاه...ولما جهزو تامر طلب السريفن علشان يشيل الشنط هو 3 شنط وهى شنطة واحدة كبيرة ونزلو على الريسبشن..لقو ناس كتير..بس حسام عامل حسابه البودى جارد موجودين
    كان خايف عليها هو ماسكها من كتفها جامد وقربها منه وكان حواليهم البودى جاردز وركبو العربية للمطار
    تامر:خدى بالك من نفسك
    ؟؟؟:متخفش عليا ..خللى بالك من نفسك..انا محدش يعرفنىتامر:حسام خليك معاها
    حسام:حاضر ..معاك الناس وخللى بالك من نفسك
    وطبعا عارفين اللى بيحصل لتامر من المعجبين..طبعا هى ماقابلتهاش مشاكل طلعت الطيارة قبليه
    تامر:اتاخرت عليكى
    ؟؟؟:الاجراءات كانت سهلة ..بس انت اجراءات صعبة قوى...بس البنت اللى سلمت عليك وبستك كانت حلوة قوى
    تامر:انتى احلى ما شافت عينى..انتى هتغيرى من اولها..انا مبحبش حد غيرك
    ؟؟؟:الناس حوالينا..متخفش عليا...انا عارفة انت بتحبنى قد ايه بدليل مجوزتش حد غيرى
    الطيارة طلعت ووصلت باريس
    اشوفكم فى الجزء التانى
    تامر فى شهر العسل

    منـــــــه@تامــــــر

    the princes
    Golden Memmber
    Golden Memmber

    انثى
    الحمل
    عدد المشاركات : 1300
    تاريخ الميلاد : 12/04/1993
    العمر : 23
    العمل/الترفيه : نت & نوم
    المزاج : الحياه بمبي ع الاخر
    تاريخ التسجيل : 28/04/2009

    default رد: مسلسل الحقو تامر حب واجوز يا جماعة ...كله

    مُساهمة من طرف the princes في الأربعاء يونيو 03, 2009 3:05 am

    merciiii bs tweeeeel awy wna msh b7b el2raaya

      الوقت/التاريخ الآن هو الثلاثاء ديسمبر 06, 2016 3:50 am